الأحد، 4 أكتوبر، 2009

مش عارفة...!!!

مش عارفة .....

مش عارفة لية صحيت انهاردة بدررررررررررررري قوي علي غير العادة....!!!
مش عارفة لية من وقت ما صحيت لحد ما روحت شغلي بدري نص ساعة فايقة ورايقة والدنيا فل، برغم كمية الزحمة والدوشة اللي حوالية، بس رايقة وكأني في الجنة....!!!
مش عارفة لية طول الطريق من والي الشغل رايقة وشايفة كل حاجة جميلة حتي الزبالة اللي في الشارع :) ...!!!
مش عارفة لية ( سبحان الله) ربنا كان مباركلي في سعات اليوم بتاعت انهاردة وكأنة اسبوع مش كام ساعة...!!
مش عارفة لية بمجرد ما بداءت اصلي انهاردة حسة بأحساس روحاني عالي قووووووووي ومودي زي الفل ( مشاء الله يعني )...!!!
مش عارفة لية اول ما رحت شغلي، وبرغم اني رايحة بدري عن معادي نص ساعة، بداءت شغل، ومسكت مكتبي رتبتة واتخلصت من كل الورق اللي ملوش لازمة، خليت الدنيا زي الفل :) ( حملة نضافة من نوع خاص) .....!!!
مش عارفة لية برغم اني كنت صايمة انهاردة وجعانة قووووووووي، كنت حسة بأستمتاع غريب بالصيام يمكن اكتر من رمضان....!!
مش عارفة لية حسة ان الجروب بتاعي عالفيس بوك اللي بقالة سنتين ( لكل من يعتقد انه فاشل) كل الاعضاء اللي فية حسيتهم زي اطفالي اللي بعشقهم، وبخاف عليهم، وبفرح لفرحهم وبزعل لزعلهم، ومستمتعة بجروبي، اللي بحسة بذرة الخير اللي ربنا اللهمني ازرعها من سنتين ولحد دلوقتي بجني ثماراها ، الحمد لله....!!!
مش عارفة لية دلوقتي حسة ان كل اصحابي اللي بحبهم بيئنسو وحدتي اختفو مرة واحدة في وقت واحد، لدرجة اني حسيت نفسي فعلا لوحدي، برغم اني مش بحس بده معاهم، برغم اني فعلا لوحدي، بس كانو بيهونو عليه وجودهم جنبي....!!!
مش عارفة لية أنهاردة قررت امسك ورقة وقلم واكتب لتاني مرة كل انجازاتي خلال السنة واحصر كل انجازاتي خلال السنة دي برغم اني فعلا كتبتها قبل كده لكن راحت مع سرقة شنطتي في رمضان.....!!!!
مش عارفة لية وبمنتهي الصراحة حسة دلوقتي اني بحب حياتي قوي وشخصيتي برغم ان ناس كتير بتقولي مينفعش حياتك تفضل كده ولا شخصيتك تستمر علي كده، لأنك هتفقدي حاجات كتير بسبب كده أهم في نظرهم ....برغم اني عارفة انهم مش صح قوي، واني مش هقبل بحاجة اقل من اللي في تفكيري،وبرغم اني جربت كتير بس لللأسف مش بيعوضو الفراغ ده...بس مبسوطة بنفسي...!!!
مش عارفة لية حسة اني قربت امسك احلامي بأيدي واعيش معاها وتعيش معايا، برغم اني حتي محصلتش نص الطريق....!!!
مش عارفة لية حسة ان بكرة اللوانة جميييييييييييييييييلة قوي، برغم ان كل الالوان دلوقتي يا ابيض يا اسود درك بلاك قوووووووووووي :(...!!!!
مش عارفة لي حساني مختلف في كل حاجة، ومع ذالك حسة اني غريبة بكل حاجة وفي اي حاجة، بس برضة مرتاحة ...!!!!
مش عارفة لية بقا بقالي كام يوم من وقت اجازة اخر السنة، وانا هاتك يا تدوينات، لما انا صدعت من نفسي وتتدفق الافكار الفظيع ده، اللي مخليني كل يومين تدوينة ده ان مكنش كل يوم.....!!!
مش عارفة هل هارجع انشغل تاني لما الجامعة تبداء والكوراسات تبداء والشغل شغال، هارجع اكتب تاني تدوينات، مع اني اشك اني ابعد عن بيتي حبيبتي مدونتي.....!!!
مش عارفة ناس كتير بتابع مدونتي من غير ما تكتب تعليق، يعني متابعين في صمت والدليل انهم بيقابلوني في اي مكان عالنت او برة النت بالصدفة يقولولي "علي فكرة متابعين مدونتك" ويشكرو فيها، لكن في صمت، مع اني بفرح بتعليقاتهم قوي لأنهم بيقولة حل لأي حيرة من غير ما يعرفو المشكلة اية...!!!!!
مش عارفة لية ناس كتير بتنتقد وضوحي الصريح في كلامي عن حياتي الشخصية، برغم اني مش شايفة في عيب اني اتكلم عنها زي ما احب طلامة مش بعمل لا حاجة حرام ولا عيب، ولا حاجة اخجل منها....!!!
مش عارفة لية ناس كتير شايفني تنكة وتقيلة وخصوصا اللي ساكنين قريب مني، برغم اني شايفة ان افضل ( امشي عدل يحتار عدوك فيك) هما شايفين ده تناكة وتقل مش مشكلة احسن من اي حاجة تانية هاهاه....!!!
مش عارفة لية ناس كتير بتقول علية أجتماعية، وحبوبة، ولية علاقات كتير، واللي بيعرفني وبيشوفني من اول مرة، كأنة يعرفني من سنين...!!!
مش عارفة لية الناس كلها متخيلة انهم فاهميني صح قوي، من خلال تدويناتي او غيرة، برغم اني متأكد ان مش كلهم فاهمين كل حاجة مهما قالو فاهم...!!
مش عارفة لية بقيت مش طايقة النت، وزهقانة منة، ومش عايزة اطول تاني علية واستقطع من وقتة، واعيش حياتي بقا بعيد عنة شوية...!!
مش عارفة لية اكتشفت من قريب ان حياتي كلها بقت مرتبطة بالنت ارتباط كلي، بحيث ان حياتي العامة واصحابي من النت وبرة النت بيربطني بيهم النت....!!!!
مش عارفة لية بقيت حاسة ان المرحلة دي انتقالية في حياتي، وخارجة من عالم، وداخلة عالم تاني، ومن اول السنة دي حسيت اني بتسحب من العالم بتاعي القديم، وبدخل عالم تاني، احلي واحسن، بس بيفتقد لبعض الراحة والتأمل شوية كتير، كلة تعب وشقا، واحساس بنجاحات، واحلام بتتحقق، بس برغم كل ده مش عارفة اية اللي تاعبني...!!!
مش عارفة لية حسة اني غريبة في بيتنا دلوقتي، برغم اني بحب اهلي واهلي مبسوطين بية وبنشاطي واجتهادي، مع اني حباهم مستغرباهم، وبعد دخولي العالم الجديد هما كمان استغربوني....!!!
مش عارفة لية دلوقتي حسة اني بقيت اشوف الناس بعين تانية، عين فيها رحمة حكمة هدوء طيبة، شر كتيييييير...كمية تناقض غريب...بس برضة جنة من غير ناس ما تنداس..!!!!
مش عارفة لية بقيت عصبية بزيادة قووووووووووي ومع ذالك بقيت اعرف اتحكم في عصبيتي اكتر...!!!
مش عارفة لية حسة اني ماشية في طريق مجهول المعالم بس برضة حسة ان اخرة نور، بس ياترة ضي بصحيح ولا سراااااااااب.....!!!!
مش عارفة هل هايجي يوم واقفل مدونتي وابطل اعبر عن حياتي عالنت، لأني بالفعل بعبر عنها بالورقة والقلم من زمااااااااااان...!!!
مش عارفة هل ممكن تجبرني الظروف في يوم اخلي مدونتي شخصية بس بحيث محدش يشوفها غيري او لأ..!!!
مش عارفة هل أنا ممكن في يوم ابقا ام لبيبي وأستحمل عياطة وبهدلتي في تربيتة، ولحد ما يوصل لمرحلة المراهقة، وهقدر اتحمل كل ده.....!!!
مش عارفة لية بموت في بنت صحبتي الانتيم( لوجي )، وهاتجنن بصورها عالنت وكأنها بنوتي انا....!!!
مش عارفة اخرة اللي بخططتة لحياتي ده واللي ماشية في، هايوصلني لأحلامي وراحتي، ولا هايعمل فيا اية....!!!
مش عارفة لية حسة ان ربنا معايا قووووووووي، برغم اني حسة اني قصرت السنة دي قوي في حق ربنا، وبحاول فعلا ارجع تاني....!!!
مش عارفة بعد 5 سنين من دلوقتي حياتي هايكون شكلها اية وهبقا وصلت لفيييييييييييين.... الله اعلم...!!!
مش عارفة لو موت انتم هتعرفو ازاي اني موت برغم ان محدش يعرف باسورداتي كلها عالنت غير مذكراتي الشخصية ( الاجندة بتاعتي) ومعتقدش حد هايفتحها بعد موتي :(.....!!!!!
مش عارفة مخبي اية بكرة لية، وبرغم كده ماشية.....!!!!
مش عارفة لية حسة اني طولت وبرغم كده حسة ان لسة في كلام كتيييييييييير مش عارفة اية هو لا لية...!!!
مش عارفة لية بعد ما خلصت البوست اكتشفت اني قولت كلام ممكن في يوم يبقا ضدي قبل ما يتحسبلي، وبرغم كده كتبتة، ومش حذفت منة حاجة.......!!!!




هناك 6 تعليقات:

  1. مش عارفة ليه في كلام كتير قولتيه حاساه
    والكلام الكتير اللي في الأول فكرني بحالة كنت حاساها من فترة .. عارفة المقولة بتاعة كن جميلاً ترى الوجود جميلاً؟؟
    لما تبقي مقتنعة تمام الاقتناع ان الدنيا اللي حواليكي انتي اللي متحكمة فيها تمام التحكم
    انتي اللي تقدري تخليها كدة هي والناس والشوارع حتى الشغل اللي بيكون مرهق جداً عليكي في الأيام العادية!

    اقدر اقولك ان الحالة الجميلة اللي في الأول دي سببها انك ببساطة بتبصي للحاجة زي ماهي بحب من غير ما تفكري ليه دي هنا أو ياترى فلان كان قصده إيه لما قال كذا ... الخ


    وبكرة ربنا أعلم بيه
    يمكن منلحقوش عشان نعيشه
    ويمكن يكون فوق الخيال والوصف ويمكن يكون أسوأ من أي حاجة عشتيها

    ليه نتعب روحنا بالتفكير في ايه اللي ممكن يحصل عيشي يومك ياشيمو احنا ولاد النهاردة

    ومش قصدي من كدة تبصي تحت رجليكي
    بالعكس

    متهيألي انتي فهمتي قصدي كويس

    وكفاية كدة بقى عشان حاسة اني طولت أوووووووووووووووووووووووووووي " شكلي بعوض فيكي ولا إيه؟!! "

    ردحذف
  2. ههههههههههههههههههه
    يا حلاوتك يا رودي
    عشت وشوفلك كومنت طويل بالشكل الجميل ده
    لأ واية يا بنتي مفصل وجايب من الاخر
    بحب فيكي نضافة دماغك وفهمك لية :

    ردحذف
  3. أيوة ياعم انا فهمت ربنا اكيد راضى عنك

    ردحذف
  4. ناني زاد
    نورتي يا جميلة
    وربنا يرضا عنك انتي كمان :)

    ردحذف
  5. ‎Fatma A.M.‎كلامك جميل جدا يا شيماء...اللى انتى فى جميل بس فعلا خللى بالك انى الدنيا ماتسرقيش فى اتجاه و تسيبى الباقى...حالة الزهق االى عندك و الوحدة،يمكن عايزة تغيرى نظام شوفى حاجة جديدة تعمليها ،هدتكى تغير..يا بنتى ليه بتفكرى فى الموت و يا ترى حد هيحس بموتى ولا لأ؟ماتفكريش كده ..سيبى الحياة ماشية...كلامك سلس و واضح و جميل صراحتك..بصراحة ماعنديش جراة الحديث عن نفسى على النت
    5 minutes ago

    ده رد جالي عالفيس بوك علي التدوينة دي من فاطمة

    وده ردي علية

    ‎Shaimaa Rady‎ربنا يخليكي لية يا فطومة
    بس دي مش حالة معينة، هي مجموعة حالت وافكار بتراودني كده فقولت اعلمها بوست ارمي فية كل الافكار اللي واكلة دماغي :)
    فظهرت في شكل مش عارفة
    4 minutes ago ·

    ردحذف
  6. lamyaa Ahmed
    مش عارفه ليه حسه انك النهارده حبه نفسك قوى ويمكن ده اللى مخليكى حبه الدنيا كلها وشيفاها بمبمى بمبى
    دورى جواكى حتلاقى انك اكيد عملتى شىء يرضى ربنا او اى حد من حواليكى وده انعكس عليكى برضى نفسك
    انا راى ان الانسان هو اللى بيصنع موده اللى بيعيش بيه
    الانسان لو داخله رضى بنفسه وباعماله حيديله طاقه هايله تخليه يحول موده 180 درجه للاحسن ومع ذلك الانسان بطبعته قلوق وهو فى عز فرحه بيدور على شىء يقلقه من المستقبل
    خوفك من المستقبل ده شىء جميل حيخليكى اكتر حرصا على انك توصلى وتحققى كل اهدافك ان شاء الله
    ومش عارفه ليه نفسى تستغلى الحاله الجميله دى وتنشريها بين اصحابك اللى غيبين عنك واللى موجودين حتلاقى نفسك اسعد بكتير كمان

    ردحذف