الأربعاء، 29 يوليو 2009

يا جت يا مجتش...

اااااه من فرحة احلامي ومن خوف ظنوني..كم اناديك وفي لحني حنين و دعاء..
يا رجائي انا كم عذبي طول الرجاء..
انا احيا في غدا الان بأحلامي اللقاء، فأتي او لا تأتي او فافعل بقلبي ما تشاء..
الله عليكي يا ست :)
الحمد لله...



السبت، 25 يوليو 2009

مش لاقية عنوان..!!!

اوقات يا دنيا معاكي بعيش، وساعات مبفهمكيش وانتي ولا حساني..

اوقات بحس اننا مجروح عايش حلاوة روح، ودمعتي محوظاني.

صابر عاللي بيجرالي وانتي لا ليكي عزيز ولا غالي....

اوقات في عز العتمة بشوف، وساعات بموت مالخوف، وغصب عني بداري.
بحلم يعدي علية الليل من غير عذاب ولا ويل، وتحسي مرة بناري.

اوقات بتاخدي اعز الناس، واقول نصيب وخلاص، واصبر علي احزاني

اوقات بحب قلوب بتبيع وفي الف لحظة بضيع، وبرضة مش حساني

ضيعنا احلي سنين وازاي هنقدر يوم نرجع دحنا يا دوب عايشين والدنيا دوامة بتخدع
بقلنا سنين في نفس الليل والحزن مغير ملامحنا
بنبكي مرار بحرقة ونار والدمع بينزل جرحنا

اممممممممممممممم

الاثنين، 6 يوليو 2009

تاني انجاز في اقل من شهر، مردود العطاء الغير مشروط :)

سبحان مغير الاحوال
أحمدك يارب
امبارح اللي كان يقرا التدوينة اللي قبل دي يحس قد اية، ان حالتي كان لا يرسا لها.
وبصراحة من تعبي وزعلي صليت، وقعد اقول يا رب هونها..
والحمد لله ربنا هونها..
فلازم زي ما شاركتكم زعلي
اشارككم فرحي..
يومي انهاردة كان يوم بجد عظيم..ده بردة من ضمن انجازاتي الحمد لله..
************************
خليني احكي لكم حصل اية انهاردة..
طبعا كالعادة صحيت رحت شغلي، واسنأذنت ساعتين بدري، لية بقا..؟
هو ده سبب سعادتي، الحمد لله..
كنت من فترة اتفقت مع اصحابي علي جروب اصحاب اون لاين عالفيس بوك، وانا معاهم كأدمن اني هكون معاهم اليوم ده.
لية بقا..؟
قولتولي لية :)
علشان في اذاعة عالنت اختارت الجروب من الجروبات المميزة علشان يطلع اللي عمل الجروب فية ويتكلم عن كل حاجة خاصة بالجروب، من بداية الفكرة وهكذاا..
المهم انها رسيت علية اتكلم بالنيابة عنهم لان صاحب الفكرة في السعودية،والباقي لظروف خاصة مش هينفع يحضرو..
وفعلا رحت المعادي من المهندسين شغلي يعني..
ورحت الاذاعة علشان انا وعدت اصحابي اني هعملهم ده، لأن فعلا مفيش بديل، فطبعا اللي يوعد لابد من انة يوفي..
ومش بحب اخلف وعدي، بالرغم من حاجات كتير، اولها واهمها، حالتي النفسية كانت تحت الصفر بمراحل، وربنا وحدة اللي يعلم ، لكن قولت خليني اكون قد كلمتي، مهما كانت التحديات اللي واجهتني انا عملت فيها سبع رجالة ووعدت الناس دي بحاجة تسعدهم..
المهم رحت وبجد مكنتش اتخيل جمال ولا روعة الحلقة، وبجد تعليقاتهم كانت تحفة داخل الاستوديو كنت طايرة من الفرح مش بس لأني داخل تجربة جميلة قوي..
انما لسبب تاني خالص، اني لما صممت اديهم واقف جمبهم، واوفي بوعدي قدامهم، برغم ظروفي امتحانات وشغل، ونفسية زي الزفت..
السبب الحقيقي لفرحتي انهاردة هي اني نيتي كانت خير، فربنا ردهالي، اسعدني بيهم وبفرحتهم بأني وفيت بوعدي، وفرحتهم كمان..
بجد انا حسيت ربنا فرحني لفرحهم، عارفين لدرجة اني الصبح عملت شغلي بضمير قوي علشان امشي بدري، وسبحان الله ربنا كرمني كرم بحمدة علية..
بعد ما الحلقة الجميلة قوووووووووووي دي خلصت اللي كان نفسي كل الناس تسمعها، لكن الصراحة متوقعتش جمالها اطلاقا.. بس المهم.
خرجت من الاستوديو في المعادي، ونزلت علي روكسي، عارفين كنت حسة نفسي مبسوطة مني، برغم اني امبارح كنت كارهاني اساسا، ومكنتش طايقة مني اي تصرف، وزعلانة مني قوي، لكن اللي فرحني بنفسي انهاردة اني عرفت ادي ، يعني عملت عطاء غييييير مشروط، مكنتش منتظرة مقابل من اصحابي دول، وكفاية علية فرحتهم بالحلقة، وبتعليقاتهم، وبجد كونك تسعد حد لوجهة الله ده في حد ذاتة، بيتردلك، بيعود عليك بالفايدة.. ودول مش حد واحد، دول مشاء الله 4000 عضو :)
انت اديت لوجة الله، اكيد ربنا هيكرمك بسبب كده..
المهم بقا اني اخدت بعضي، وقولت والله لازم اكافئ شيماء بأحلي مكافاءة..
مع اني كنت تعبانة قوووووووووووووووي..
رحت اتغديت...
وكمان نزلت اشتريت لنفسي شوية حاجات كانت ناقصاني، بس كلها حاجات جميلة قوي، ومش بس كده، كملت يوم العطاء، ورحت اشتريت لأختي وصحبتي شويات حاجات كانت ناقصاهم، وبجد انا كنت مبسوطة قوي..
لأن النتيجة الحقيقية من كل ده، اني خرجت من حالة نفسية ربنا وحدة اللي كان عالم بحالي فيها، وخصوصا قبل ما ادخل الاستوديو بلحظات، كنت مخنوقة قوي،واكيد لميا صحبتي كانت حسة بية من كلامي اني اصلا مخنوقة..
بس بجد الحمد لله الخنقة راحت، وعملت زي ما دكتور ابراهيم قالها في محاضرة ، لو عايز تقع، اقع علي ظهرك، علشان تبوص للفوق، ولما تقوم تقوم وانت فايق..
ده فعلا اللي حصلي مستسلمتش لزعلي، ولا لحزني علي حاجة راحت..
قولت الحمد لله، اه اخدتلي شوية في الزعل بس كنت حبة ادي لزعلي حقة علشان ميرجعش يطلع في اوقات غير مناسبة، ابقا خلصت من شعور لازم اتخلص منة،والحمد لله حصل في ساعتين ارتحت من كل الزعل، وفوقت والحمد لله وانا علي ظهري، مش واقعة علي راسي..
وعلي رأي الست سميرة سعيد :)
دي حكاية بمنتهي البساطة هتعبلي يادوب يومين تلاتة ، وانا هرض لقلبي يتوجع لية..

الدنيا حلوة واحلي سنين بنعشها واحنا يا ناس عاشقين كبر وعدي وارتاح من التفكير...
انسي اللي فات علي طول علي طول..
متسبش زعلك مرة يطول..
فوق وعدي علشان تعدي، وارتاح من التفكير،، وسلمهال لله، ونعم بالله..
الحمد لله..

المقصورد من كلامي ده كلة انهاردة، عايزة كل واحد حس بجرج، بزعل بغضب، بأي احساس مضايقة، اديلة وقتة وفوق، بأردتك لأن لو مفوقتش انت الوقت هيفوقك علي حاجات بتضيع منك بزيادة..
يبقا حافظ علي اللي في ايدك
وبيوقلك لا تفكر في المفقود حتي لا تفقد الموجود..
بشكر كل اللي كان لية فضل في اسعادي انهاردة، وبجد بحمد ربنا اني مش رفضت اني اروح الحلقة واسجل معاهم، وبجد الحمد لله علي كل حال..
ربنا فعلا لما بيقفل باب بيفتح عشرين الف باب..
احمدك واشكر فضلك يارب..

دعواتكم في امتحاناتي بجد انا مرعوبة، بس متوكلة علي الله,,
ان الله لا يضيع من احسن عملة...
وانا فعلا متبهدلة مش بس بحسن عملي، انامطحونة ههههههههه
يلا الحمد لله
بحبكم كلكم...
والله كل حد عرفتة عالنت حبيتة وبحبة قووووووووووي
ومهما كان مصدر معرفتي بية، فيس بوك منتدي يوم جديد، منتدي يلا جامعة، جروب اصحاب اون لاين...
وبشكر جوربي اللي كان السبب في معرفت كل الناس دي..
بحبكم في الله
ودي اول مرة اقولها وانا حسة معناها..
الحمد لله..
ادعولي ربنا يعوضني ويخلف علية خير من اللي فات.. :)

السبت، 4 يوليو 2009

بسبب خوفي، كسرت قلبي بأيدي..


فكرت في وقت من الاوقات انك حبيتني، حبيتك ضعت رجعت وقولت لنفسي يا ريتني

بحاجات كتيييييييييير وعدتني، علي حبي ليك طمنتني، عايشتني وانا بين ايدك

بس بأيديك موتني..



الحمد لله علي كل حال

اكيد في حكمة مفيش حاجة بتحصل من غير سبب.
وانا عارفة جزء كبير من السبب، بعترف ان خوفي كان جزء كبير من السبب.

قدر الله وما شاء فعل
لكن اللي تاعبني مش بس اني السبب الرئيسي، انما كمان ان ده مش وقتة للي انا فية ده، مش عارفة هعمل اية، انا ملخبطة قووووووي، وامتحاني بعد اسبوع ابتدي ازاي او اعمل اية..؟؟

هي دي اخرة الخوف.كسرت قلبي بأيدي.
الحــمـــدلله

الجمعة، 3 يوليو 2009

خوف كل الخوف، لدرجة عدم الأمان..

لية كل ما اقرب تبعد

ابعد تقرب..!!

طب انا بقا اعمل اية.؟

حيرتني ابعد ولا اقرب

اخاف ولا أطمن

بخاف لدرجة اني بطمن

بطمن لدرجة اني بخاف

عايزة ارتاح مالخوف، واطمن..

اوقات بحس انة كل الأمان

واوقات اكتر احسة كل الخوف..

طب لية، وازاي، واية اللي بيحصل لكل ده..؟

ساعات اقول خليني اطمن وابعد عن الخوف..

وساعات اقول خليني خايفة احسن يروح الأمان، ومش اطمن..

خوف لدرجة الاحتياج للأمااااااااااااااااان

ويبقا السؤال

ياترة الغلط علي مين الخوف، ولا الأمان..؟؟؟؟

خوف كل الخوف، لدرجة عدم الأمان..

مجرد شعور مبهم ولازم يطلع ويترجم بأي لغة، علشان ارتاح..
مطلوب شئ واحد بس، احتواء الخوف ده، بس ازاي انا معرفش، لأزم حد يحتوي الشعور ده، علشان الخوف يروح، ويجي بدالة الامااااااااااااااااااااان
هو ده المهم