الاثنين، 6 يوليو، 2009

تاني انجاز في اقل من شهر، مردود العطاء الغير مشروط :)

سبحان مغير الاحوال
أحمدك يارب
امبارح اللي كان يقرا التدوينة اللي قبل دي يحس قد اية، ان حالتي كان لا يرسا لها.
وبصراحة من تعبي وزعلي صليت، وقعد اقول يا رب هونها..
والحمد لله ربنا هونها..
فلازم زي ما شاركتكم زعلي
اشارككم فرحي..
يومي انهاردة كان يوم بجد عظيم..ده بردة من ضمن انجازاتي الحمد لله..
************************
خليني احكي لكم حصل اية انهاردة..
طبعا كالعادة صحيت رحت شغلي، واسنأذنت ساعتين بدري، لية بقا..؟
هو ده سبب سعادتي، الحمد لله..
كنت من فترة اتفقت مع اصحابي علي جروب اصحاب اون لاين عالفيس بوك، وانا معاهم كأدمن اني هكون معاهم اليوم ده.
لية بقا..؟
قولتولي لية :)
علشان في اذاعة عالنت اختارت الجروب من الجروبات المميزة علشان يطلع اللي عمل الجروب فية ويتكلم عن كل حاجة خاصة بالجروب، من بداية الفكرة وهكذاا..
المهم انها رسيت علية اتكلم بالنيابة عنهم لان صاحب الفكرة في السعودية،والباقي لظروف خاصة مش هينفع يحضرو..
وفعلا رحت المعادي من المهندسين شغلي يعني..
ورحت الاذاعة علشان انا وعدت اصحابي اني هعملهم ده، لأن فعلا مفيش بديل، فطبعا اللي يوعد لابد من انة يوفي..
ومش بحب اخلف وعدي، بالرغم من حاجات كتير، اولها واهمها، حالتي النفسية كانت تحت الصفر بمراحل، وربنا وحدة اللي يعلم ، لكن قولت خليني اكون قد كلمتي، مهما كانت التحديات اللي واجهتني انا عملت فيها سبع رجالة ووعدت الناس دي بحاجة تسعدهم..
المهم رحت وبجد مكنتش اتخيل جمال ولا روعة الحلقة، وبجد تعليقاتهم كانت تحفة داخل الاستوديو كنت طايرة من الفرح مش بس لأني داخل تجربة جميلة قوي..
انما لسبب تاني خالص، اني لما صممت اديهم واقف جمبهم، واوفي بوعدي قدامهم، برغم ظروفي امتحانات وشغل، ونفسية زي الزفت..
السبب الحقيقي لفرحتي انهاردة هي اني نيتي كانت خير، فربنا ردهالي، اسعدني بيهم وبفرحتهم بأني وفيت بوعدي، وفرحتهم كمان..
بجد انا حسيت ربنا فرحني لفرحهم، عارفين لدرجة اني الصبح عملت شغلي بضمير قوي علشان امشي بدري، وسبحان الله ربنا كرمني كرم بحمدة علية..
بعد ما الحلقة الجميلة قوووووووووووي دي خلصت اللي كان نفسي كل الناس تسمعها، لكن الصراحة متوقعتش جمالها اطلاقا.. بس المهم.
خرجت من الاستوديو في المعادي، ونزلت علي روكسي، عارفين كنت حسة نفسي مبسوطة مني، برغم اني امبارح كنت كارهاني اساسا، ومكنتش طايقة مني اي تصرف، وزعلانة مني قوي، لكن اللي فرحني بنفسي انهاردة اني عرفت ادي ، يعني عملت عطاء غييييير مشروط، مكنتش منتظرة مقابل من اصحابي دول، وكفاية علية فرحتهم بالحلقة، وبتعليقاتهم، وبجد كونك تسعد حد لوجهة الله ده في حد ذاتة، بيتردلك، بيعود عليك بالفايدة.. ودول مش حد واحد، دول مشاء الله 4000 عضو :)
انت اديت لوجة الله، اكيد ربنا هيكرمك بسبب كده..
المهم بقا اني اخدت بعضي، وقولت والله لازم اكافئ شيماء بأحلي مكافاءة..
مع اني كنت تعبانة قوووووووووووووووي..
رحت اتغديت...
وكمان نزلت اشتريت لنفسي شوية حاجات كانت ناقصاني، بس كلها حاجات جميلة قوي، ومش بس كده، كملت يوم العطاء، ورحت اشتريت لأختي وصحبتي شويات حاجات كانت ناقصاهم، وبجد انا كنت مبسوطة قوي..
لأن النتيجة الحقيقية من كل ده، اني خرجت من حالة نفسية ربنا وحدة اللي كان عالم بحالي فيها، وخصوصا قبل ما ادخل الاستوديو بلحظات، كنت مخنوقة قوي،واكيد لميا صحبتي كانت حسة بية من كلامي اني اصلا مخنوقة..
بس بجد الحمد لله الخنقة راحت، وعملت زي ما دكتور ابراهيم قالها في محاضرة ، لو عايز تقع، اقع علي ظهرك، علشان تبوص للفوق، ولما تقوم تقوم وانت فايق..
ده فعلا اللي حصلي مستسلمتش لزعلي، ولا لحزني علي حاجة راحت..
قولت الحمد لله، اه اخدتلي شوية في الزعل بس كنت حبة ادي لزعلي حقة علشان ميرجعش يطلع في اوقات غير مناسبة، ابقا خلصت من شعور لازم اتخلص منة،والحمد لله حصل في ساعتين ارتحت من كل الزعل، وفوقت والحمد لله وانا علي ظهري، مش واقعة علي راسي..
وعلي رأي الست سميرة سعيد :)
دي حكاية بمنتهي البساطة هتعبلي يادوب يومين تلاتة ، وانا هرض لقلبي يتوجع لية..

الدنيا حلوة واحلي سنين بنعشها واحنا يا ناس عاشقين كبر وعدي وارتاح من التفكير...
انسي اللي فات علي طول علي طول..
متسبش زعلك مرة يطول..
فوق وعدي علشان تعدي، وارتاح من التفكير،، وسلمهال لله، ونعم بالله..
الحمد لله..

المقصورد من كلامي ده كلة انهاردة، عايزة كل واحد حس بجرج، بزعل بغضب، بأي احساس مضايقة، اديلة وقتة وفوق، بأردتك لأن لو مفوقتش انت الوقت هيفوقك علي حاجات بتضيع منك بزيادة..
يبقا حافظ علي اللي في ايدك
وبيوقلك لا تفكر في المفقود حتي لا تفقد الموجود..
بشكر كل اللي كان لية فضل في اسعادي انهاردة، وبجد بحمد ربنا اني مش رفضت اني اروح الحلقة واسجل معاهم، وبجد الحمد لله علي كل حال..
ربنا فعلا لما بيقفل باب بيفتح عشرين الف باب..
احمدك واشكر فضلك يارب..

دعواتكم في امتحاناتي بجد انا مرعوبة، بس متوكلة علي الله,,
ان الله لا يضيع من احسن عملة...
وانا فعلا متبهدلة مش بس بحسن عملي، انامطحونة ههههههههه
يلا الحمد لله
بحبكم كلكم...
والله كل حد عرفتة عالنت حبيتة وبحبة قووووووووووي
ومهما كان مصدر معرفتي بية، فيس بوك منتدي يوم جديد، منتدي يلا جامعة، جروب اصحاب اون لاين...
وبشكر جوربي اللي كان السبب في معرفت كل الناس دي..
بحبكم في الله
ودي اول مرة اقولها وانا حسة معناها..
الحمد لله..
ادعولي ربنا يعوضني ويخلف علية خير من اللي فات.. :)

هناك 9 تعليقات:

  1. لمياء احمد
    بالرغم من انى كنت حولد بسببك النهارده والقلق اللى شوفته على ايديكى لكن.........مفيش اى كلمه شكر تكفى اللى عملتيه معايا انا شخصيا ده غير اللى عملتيه مع اصحابنا

    بجد بشكرا جدا انك اسعدتينا جدا بالرغم من حالتك النفسيه وظروفك الصعبه واللى كنت عارفاها وكنت بحاول اساعدك انك تنسيها وتعيشى لحظه نجاج ممكن تدفعك لقدام وعملت المستحيل عشان تنجحى والحمد الله ربنا وفقك ببركة ربنا ثم كل اصحابنا اللى ساعدونى ومش خذلونى خالص
    ويا رب حطمع فى كرمك انك تدوم علينا نعمه الصداقه الجميله اللى بينا ويوفقك يا شيماء
    ويبعد عنك عيون المراقبين ويحنن عليكى قلوب المصححين
    وينجحك بدعوات الوالدين واعز الاصحاب
    سؤال بسيط بليزز طعم النجاح ملحه مظبوط؟؟؟؟؟؟؟؟
    ههههههههههههههههههههه

    ردحذف
  2. يا رب تكونى مبسوطه دايما ويديم عليكى الفرحه والنجاح والسعاده يا جميل ان شاء الله

    ردحذف
  3. يااااااارب يسعـدك ياااااارب يااحلي شيمو ياااارب بجد اسعدتيناااا جداااا بجد النهاردة ربنا يخليكي يا قمر
    بجـد يا شيمـو مفيـش احلي من حب الاصحاب ولمتهم هي دي اكتـر حاجة بتسعد الواحـد وتخليه فـرحـان مووووت اكتـر يـوم حسيت بكده ربنا يديم محبتنا ياااارب دايماااا ونفضـل اصحااااب علطووووول
    وعلفكــرة يا يا احلي شيمو ماما كمان اتبسطت اوي بالاذاعة جدااا يعني بسطي ماما كمان يا عم يا جامد انت هههههههه
    بجد كلامك مفيـد جدااااا وانا استفدت منه جدااااا
    واجمل حاجة في الدنيا العطااااء لناس انتي بتحبيهاا ومش منتظرة منهم مقابل واحلي مقابل لما تلاقي فرحتهم ماليه عيونهم دي احلي حاجة في الدنيا
    معلـش طولـت عليكي يا قمري
    mOlita ♥♥

    ردحذف
  4. بجد يا شوشو لما الواحد يحب حاجه بينجح فيها ... و انتي حابه حياتك و ربنا يكرمك فيها ان شاء الله
    بجد كان نفسي اكون معكم و افرح بفرحتكم بس قدر الله و ما شاء فعل ... برضه فرحت بس لفرحتكم ... كفايه التعليقات اللي سمعتها و قريتها كلها بتقول انك عملتي احلي حلقه و رفعت راسنا بجد
    ميرسي ليكي يا شوشو و ميرسي للميا اللي اختيارعا كان موفق الحمد لله
    و ربنا يديم صداقتنا و محبتنا ف الله ... كان نفسي اشوفك صحيح بس تتعوض بعد امتحاناتك ان شاء الله يا شقي .... اكيد عرفتيني نونا مووون

    ردحذف
  5. مريم مصطفي

    ربنا معاكي ويوفقك ان شاء الله واكنت حلقة جميلة

    بيكي وبكل اصحابنا والحمدلله انها غيرت مودك وبقيتي

    مبسووووطة وفرحانه ويارب تفضلي مبسوطة وفرحانة

    دايما زي ما فرحتينا كلنا وربنا يوفقك ويكرمك في

    امتحاناتك ونجيلك هنا يوم النتيجة ونباركلك ان

    شاء الله ويارب الامتحان يجي من اللي ذاكرتيه تمام يا
    شيمو

    وربنا يديم علينا حبنا لبعض وصداقتنا كلنا

    وجزاكي الله عنا وعن الجروب خير وربنا يعزك يارب

    ودايما تكوني في احلي حال

    أحبك الذي احببتنا فيه

    ردحذف
  6. السلام عليكم يا شيكو
    بجد الحمد لله والف حمدلله على سلامتك من الحالة النفسية الوحشة

    ربنا يعينك ويقويكي ويفرحك دايما يا رب ويصلح حالك ويريح بالك يا شيكو يا حبيبتي

    ربنا يلهمك في الامتحانات يا رب ويبيض وجهك بالنتيجة الممتازة يا رب

    ردحذف
  7. الف مبروك يا البي ياب ديما تكوني سعيده كدى ويدم عليكي الفرح يا رب وينولك الي في بالك ان شاء الله يارب وياربنا ينجحك يا رب ربنا يا رب اشوفك عن اريب منوره مدونتي الي هجراها بالك زمن ونسيه صحبتها الكميله اختك حببتك سوسو يا وزه انتي موووه بحبك اوي خدي بالك من نفسك

    ردحذف
  8. مع اني تقريباً آخر واحدة ترد
    بس بجد متعرفيش فرحتيني أد إيه
    الحمد لله انك عرفتي تخرجي م الحالة اللي كنتي فيها ويارب دايماً مبسوطة ومعنوياتك في السما

    ربنا يوفقك في امتحاناتك ياقمري
    :)

    ردحذف
  9. ربنا يسعدك كمان وكمان يا شيمو وعلي فكره

    ردحذف