السبت، 28 مارس 2009

كل ما أغمض عيني.

أنا عارفة اني بحلم والحلم جميل وبيحالي..
قال اية قاعد جمبي والناس شيفاك وحسداني
مهو طبعا، مأنت قمري ونوري وضلي وأمالي..
ونفسي اقولك كده من زماااااااااااان.
مخلاص العين هتنام بعد ليلي كتير سهرانة..
أسم الله عليهم عيني عليهم، ربنا يحميهم، وتملا دست عيال بيتهم وتتطلع عنيهم.
وتيجي الناس تتطل عليهم ويقولو عقبالنا.
مين يطول يعيش في حقيقة في زيها في الجنة..
ربنا يسعدهم يارب، ويهدي سرهم..
وعقبال الناس كلها تفرح زيهم..
مجرد حالة جميلة

الاثنين، 23 مارس 2009

مكالمة من الماضي..!!

لو شخص متعود يكتب مذكراتة، من سنين ، فالنفترض من ايام الثانوي، ولحد ما وصل لمرحلة ما بعد الجامعة، وبيدون فيها اغلب الاحداث اللي بتمر في حياتة، سواء بشكل رمزي، او بوضوح.
ومرت سنين، والصفحات البيضة اصفرت، من اثر التقادم، وافعال الزمن بيها..
ودنيا تاخده ودنيا تجيبة، وبلاد تشيلة وبلاد تحطة...
وبعد كل ده، بالصدفة، وهو قاعد لابية ولا علية ومركز في الحاضر بكل حواسة..
تقع علية ورقة من صفحات الماضي، بعد ما اخدت لون الصفار، واتيغرت ملاحها..
الغريب ان اللون الاصفر ده بيخدع ويخليك تتخيل ان الورقة دي مش تبعك، ولا تمت لك بأي صلة..
طب جت منين الورقة دي..
تبصلها وتقول ولا اعرفها..
الورقة تحاول تفكرك بيها، لكن بلا جدوي..
صوت الورقة يطلع منها ويقولك طب اقراني يمكن تكون تعرفني..
تفكر وتركز، وتقول مفيش مشكلة هجرب، وواضح انها مرت علية قبل كده عناوين الصفحة دي..
وتاخد الورقة بعد محاولات مستميتة منها علشان تفكرك بيها..
وفجأة تقرا، تحس ان الورقة الصفرة دي رجعتك لسنين فاتت، شريط فديو وبيتعاد، سنياريوهات كتير افتكرتها ما بين السطور وانت بتقرا..
لكن لأنك كنت طول الوقت زمان بتحاول تهرب من الماضي بكل ما فية، لانك كنت رافضة، ومش عايز تعيشة، فبالتالي بعد مرور كل السنين دي، تناسيت الماضي، لدرجة انك اعتبرتة مرحلة لم تمر في حياتك، وكأنك جبت مقص، وقصيت الجزء ده من حياتك، كأن لم يكن من الاساس..
بس بترجع وتقول، ياااااااااااه كانت ايام الله يرحمها بقا..

وبترجع تاني تشكر الورقة، وكلامها ليك، ومحاولتها لتذكيرك بماضي عدي..

يبقا السؤال..
اية الحكمة من ظهرو الماضي في الوقت ده بالتحديد، وبالطريقة دي، من الورقة دي بالأخص..؟؟؟

يمكن يكون في حكمة خفية، ويمكن ميكنش اكتر من مكالمة من الماضي، بتسلم عليك، وتفكرك بيها، علشان مش تنسا ان الماضي ده عدي في حياتك فعلا، وانت استفدت بية ، استفادة غير واضحة..

الله أعلم..

الأحد، 15 مارس 2009

جدتي في العناية المركزة..

اللهم رب الناس ، أذهب البأس ، إشف أنت الشافي لا شفاء إلا شفاؤك شفاء لا يغادر سقماً
ربنا يشفيكي يارب لو كانت الحياة خير لكي ، ويرحمك لو كان الموت راحة ليكي..
متعرفيش انتي عندي اية، زي ما انا كنت اول حفيدة ليكي وبتحبيني بزيادة، انتي بتمثلي لية عمري، من اول الطفولة اللي كنت متربية وقتها معاكي، لحد شبابي، والدعوات اللي كانت بتريحني منك..
الحمد لله ان الظروف الشهر اللي فات اجبرتني اني اقعد معاكي اسبوع، مكنتش اعرف ان ربنا عايزني اتمتع بحبك وبحنيتك علية، وحبك لية ولأخواتي، ودعواتك اللي بتشرحلي صدري، وتيسرلي امري، وانا رايحة الامتحان..
وكفاية قوي علية الكام دعوة اللي دعيتهالي قبل ما تتدخلي العناية المركزة، اختي وصلتلي الدعوات، وكل كلامك..
وسامحيني كان نفسي اخليكي تشوفيني قبل ما تتدخلي العناية المركزة، بس فعلا غصب عني ظروفي مخلتنيش اللحقك قبل ما تتدخلي المستشفي..
يمكن اللي كان اصعب علية اني اشوفك في العناية المركزة بالشكل ده، ربنا يرحمك برحمتة ويشفيكي ويخفف عنك يارب..
ربنا يسترها.
سامحيني كان نفسي اسعدك زي ما كان نفسك، لكن ربنا مش اراد، لكن عمري ما هنسا وصيتك لية..
بأذن الله بعد ما اللي دعتيلي بية يتحقق واحقق اهدافي اللي قولتيلي عليها انها هاتتحق بأذن الله..
هجيلك واعرفك كل حاجة وافرحك بية ، زي ما طلبتي..
اللهم أشفها وعافها يارب
اللهم آمين
اللهم إشفها شفاء لا يغادر سقماً
اللهم رب الناس ، أذهب البأس ، إشف أنت الشافي لا شفاء إلا شفاؤك شفاء لا يغادر سقماً
اللهم رب الناس ، أذهب البأس ، إشف أنت الشافي لا شفاء إلا شفاؤك شفاء لا يغادر سقماً
اللهم رب الناس ، أذهب البأس ، إشف أنت الشافي لا شفاء إلا شفاؤك شفاء لا يغادر سقماً
اللهم رب الناس ، أذهب البأس ، إشف أنت الشافي لا شفاء إلا شفاؤك شفاء لا يغادر سقماً
اللهم رب الناس ، أذهب البأس ، إشف أنت الشافي لا شفاء إلا شفاؤك شفاء لا يغادر سقماً
اللهم اشف وعافِ أخانا محسن وكفّر عنه سيئاته وعجل شفاءه يارب العالمين
بحبك قوي يا جدتي.

السبت، 7 مارس 2009

حل عايز حل..

كانت مشكلة، ولاني مش بحب اسيب مشكلة من غير حل، دورتلها علي حل، وفعلا لاقيت حلين، اما ايجابي واما سلبي.
طبعا استبعدت السلبي، ولو انة اسهل، و اختارت الايجابي في نظري، وسبت السلبي لان هي مش ناقصة كده او كده هي مشكلة هزودها بسلبية، فقولت خليني في الايجابي..
واعتبرت ان ده الحل الممكن، اللي اقدر انا انفذهم لان في حل تاني ايجابي لكن غير متاح لية، لانة بأيد غيري، فقررت اخليني في اللي اعرفة واقدر اعملة الايجابي المتاح لي.
لكن
لما نفذت الحل الايجابي، اكتشفت اني انجرفت لتفاصيل الحل، لدرجة ان الحل بقا جزء من حياتي، وبقا يعتبر هو محور حياتي، بعد ما كان مجرد حل مؤقت، اصبح حل مستديم، والاهم انة قام بدورة فعلا في حل جزء كبير من المشكلة الاصلية وشغلني عنها، لكن مشغلنيش عن التفكير فيها.
بس المشكلة دلوقتي هي ان الحل عملي مشكلة في المشكلة الاصلية..
بمعني انه زودة الحمل علية، وبدل ما كنت بدور علي حل لمشكلة واحده بقيت ادور علي حل للحل..
بس اللي يهمني دلوقتي هل نتيجة الحل اللي بدورلة حاليا علي حل، نتيجة ايجابية فعلا، ويبقا زي ما بيتقال رب ضارة نافعة، الله اعلم..
لحد دلوقتي لسة النتايج مش ظهرت، بس اللي حسة بية فعلا، ان الحل بقا عايز حل علي حلة...
والمشكلة بقت مشكلتين..
بس اتمنا بعدين ان فعلا الحل يبقا هو الحل ، والمشكلة متبقاش هي مشكلة..
وتتدور الدنيا بينا ، ويجرا مهما يجرا، وكل نار تتطولنا بنخرج منها اقوي..
هي اية الحياة..؟
هي حبة تحدي لو عندك قد عندي، وردك نفس ردي هنقدر عالحياة..

الاثنين، 2 مارس 2009

♥لست سوى طفله هاربة♥

.•.°.•ஐ•i[♥لست سوى طفله هاربة♥]i•ஐ .•.°


هاربة من عالم الاحزان
خائفة من قسوة الزمن والانسان
احبت يوما
وجرحت
ومارست على عشقها النسيان
فنست من احبت
ونست الحب معه
ووعدت ان لا تملك قلبها لاي سلطان
فارحموني من عاطفة خرساء
وكلمات جوفاء
فلا اريد حبا
ولا اريد عشقا
ولا اريد غرام

من ها هنا اهتف
اني طفله صغيره

ارحموا احلامي البريئه
لا تطالعوا الانثى التي اسكنها
وترموا حبالكم علي لاسكنها
لا تقتربوا مني تتسابقون
ترى من يتربع على كرسي قلبي
ويمسي ملكا لقلعتي الحصينه
فلترحلوا بكرامه
وخذوا ورودكم معكم
فلن افتح الباب لاحد
ولن اروي ازهار احد
.•.°.•ஐ•i[♥ لست سوى طفله♥]i•ஐ .•.°
فاتركوني العب
واركض
واجري
الاحق الفراشات في طفوله
واقطف الازهار في شقاوه
واسابق النهر في غباوه
وحين اتعب
اتوسد العشب الاخضر
متناسيه انوثتي
ومتجاهلة نضوج جسدي
فانا طفله
واريد ان اضل طفله
مادمت غير قادره على التكيف
مع بشر
اصروا على ارتداء الاقنعه
وبيع ضمائرهم
وصم اذانهم
عن كل حق
وعن كل عاطفه نبيله
.•.°.•ஐ•i[♥ لست سوى طفله♥]i•ஐ .•.°
وما اسعدني من طفله
فقد تحررت من قيد الانوثه
وتركت النضج ورائي
واقفلت بابي بوجه عشاقي
ومعجبي
وعلقت لافتتي
على نافذة قلبي الصغير
وانا اكتب بالخط العريض
.•.°.•ஐ•i[♥ لست سوى طفله♥]i•ஐ .•.°
طفله تنظر من خلف الابواب الموصده
ومن خلف الغيوم ..
تنظر لعل الامل يأتي من بعيد
لعل الشمس يومآ تشرق من جديد
لعل الحب يداوي جرحآ استوطن قلب
" الطفله "
منقولة من كتر ما حسيتها

===============

مكنتش متوقعة ان اثر المواجهة هيبقا كده، لية بس تقوليها مكنت مرتاحة وهربانة، لية تخليني اخد بالي تاني، ياريتك ماتكلمتي، يمكن لو كنتي فضلتي ساكتة ومقولتيهاش ، كنت كملت وانا متناسية، لية تفكريني باللي طول الوقت بحاول اركز في اللي انا شغلت نفسي بية، ارجوكي متقوليهاش تاني كفاية قوي كدة، وياريتك وقت ما فكرتيني بالمشكلة، قدمتيلي الحل...يبقامن البداية لية بتفكريني.!!!

يلا الله يسامحك بقا قلبتي علية المواجع..

لكن بالرغم من كل المواجع اللي قلبتيها علية،بشكرك، اهو علي الاقل فوقتيني من حاجة تانية كنت هنجرف لية..

الحمد لله