الاثنين، 23 مارس، 2009

مكالمة من الماضي..!!

لو شخص متعود يكتب مذكراتة، من سنين ، فالنفترض من ايام الثانوي، ولحد ما وصل لمرحلة ما بعد الجامعة، وبيدون فيها اغلب الاحداث اللي بتمر في حياتة، سواء بشكل رمزي، او بوضوح.
ومرت سنين، والصفحات البيضة اصفرت، من اثر التقادم، وافعال الزمن بيها..
ودنيا تاخده ودنيا تجيبة، وبلاد تشيلة وبلاد تحطة...
وبعد كل ده، بالصدفة، وهو قاعد لابية ولا علية ومركز في الحاضر بكل حواسة..
تقع علية ورقة من صفحات الماضي، بعد ما اخدت لون الصفار، واتيغرت ملاحها..
الغريب ان اللون الاصفر ده بيخدع ويخليك تتخيل ان الورقة دي مش تبعك، ولا تمت لك بأي صلة..
طب جت منين الورقة دي..
تبصلها وتقول ولا اعرفها..
الورقة تحاول تفكرك بيها، لكن بلا جدوي..
صوت الورقة يطلع منها ويقولك طب اقراني يمكن تكون تعرفني..
تفكر وتركز، وتقول مفيش مشكلة هجرب، وواضح انها مرت علية قبل كده عناوين الصفحة دي..
وتاخد الورقة بعد محاولات مستميتة منها علشان تفكرك بيها..
وفجأة تقرا، تحس ان الورقة الصفرة دي رجعتك لسنين فاتت، شريط فديو وبيتعاد، سنياريوهات كتير افتكرتها ما بين السطور وانت بتقرا..
لكن لأنك كنت طول الوقت زمان بتحاول تهرب من الماضي بكل ما فية، لانك كنت رافضة، ومش عايز تعيشة، فبالتالي بعد مرور كل السنين دي، تناسيت الماضي، لدرجة انك اعتبرتة مرحلة لم تمر في حياتك، وكأنك جبت مقص، وقصيت الجزء ده من حياتك، كأن لم يكن من الاساس..
بس بترجع وتقول، ياااااااااااه كانت ايام الله يرحمها بقا..

وبترجع تاني تشكر الورقة، وكلامها ليك، ومحاولتها لتذكيرك بماضي عدي..

يبقا السؤال..
اية الحكمة من ظهرو الماضي في الوقت ده بالتحديد، وبالطريقة دي، من الورقة دي بالأخص..؟؟؟

يمكن يكون في حكمة خفية، ويمكن ميكنش اكتر من مكالمة من الماضي، بتسلم عليك، وتفكرك بيها، علشان مش تنسا ان الماضي ده عدي في حياتك فعلا، وانت استفدت بية ، استفادة غير واضحة..

الله أعلم..

هناك 6 تعليقات:

  1. خير الكلام ما قل ودل..

    ردحذف
  2. والله فعلا ممكن تكون رساله من ماضى بيفكرك بيه بيحط خط على حاجات ممكن تكون اتنست وحاجات اكتر مش ممكن تتنسى تسلم ايدك ياقمرايا اول زياره وان شاء الله مش الاخيره

    ردحذف
  3. تنوري علي طول يا احلي طوبة..

    وممكن يكون كلامك صح فعلا، الله اعلم..

    ردحذف
  4. مفيش حد بيعرف الأشارات الا لما الحاجة المقصودة بيها تحصل!
    مهما حاولنا وعصرنا مخنا!
    بس غريبة جدا ان الواحد يقدر ينسي فترة من حياته كأنها لم تحدث أعتقد ان الواحد حاةل بشدة ان يخيفها فصدق العقل الخدعة وأخفها!
    _________________
    love the post

    ردحذف
  5. نورتي يا صابرين
    جايز كلامك في كتير من الصح.
    وبالنسبة لنسيان جزء من ماضي

    تقتدر تقولي تناساها ولكن مش نسيها.
    تفرق كتير..
    والدليل انها بمجرد ما حاولت ترجعلة ذكريات الفترة دي افتكرها بسرعة.

    ردحذف