الأربعاء، 2 ديسمبر، 2009

احتفالي بعيد ميلادي علي مدونتي للسنة التانية

حفلة عيد ميلادي


زي النهارده من سبعة وعشرين سنه انا جيت للدنيا، شوفت نورها وحبـيته من اول ثانيه، معرفتش ايه هى عيوبها، شوفت بس مميزاتها، ومش بإيدى اختار انا دنيا تانيه...
النهارده من سبعة وعشرين سنه انا جيت للدنيا، جيت بحب وشوق مالينى، عشت بيه انا طول سنينى، دا غصب عنى ومش بإيدىأسعد بيه اللى حواليه..
النهارده من سبعة وعشرين سنه انا جيت للدنيا، لفت بيه سنين وايام عشت الحب وشفت احلام ، شوفت الدنيا بلونها الوردى كنت بنام ودموعى على خدى، لكن فى الاخر كملت وقدرت أخلى الشوك حنيه ، النهارده من سبعة وعشرين سنه انا جيت للدنيا...

ملحوظة: (الكلمات دي حقوقها محفوظة لمدونة رومنسي/ أحمد دسوقي).
وشكرا لية جداا علي انو وافق اني اقتبسها، لانها بصراحة عجبتني..

*********************************



(شيماء راضي)
قبل سنتين من دلوقتي يعني وانا عندي 25 سنة، كنت مجرد انسانة عادية عايشة وبحاول مع نفسي، علشان اطور نفسي، بس قبل كده مكنش في دماغي ولا يوصل لتفكيري، اني اوصل للي وصلتلة الحمد لله دلوقتي ده...

مجرد فكرة مكنتش اتخيل انها تنجح وتصولني لكل ده، مجرد بذرة رميت بذورها ( خير) في الارض (الفيس بوك) ورويتها بأهتامي واخلاصي، ونيتي الخير، اللي كانت اصلها اني افيد واساعد الناس لوجة الله، في انهم يطورو انفسهم..

وسبحان الله عاد علية بأحلي زرع خيييييييييييير.. بجد الجروب بتاعي بعتز بي قووووووووووي من الأنجازات اللي عملتها ومكنتش اتخيل انها تبقا من اهم الانجازات،وافضلها علي الاطلاق، وكمان فتحتلي باب واسع قوي من الخير...

وحقيقي كلة بفضل ربنا، وبفضل ان نيتي كانت من البداية خير اني افيد الناس واستفيد معاهم...

طبعا مش هقدر احصر كمية الأنجازات اللي حصلت خلال السنة دي من عمري، بسبب الجروب اللي بقالة سنتين وشوية...

لكن كل اللي اقدر اعملة في يوم زي ده.. اني اوجة رسالة لكل الناس اللي عرفتها، سواء علي جروبي، او في مدونتي، او من حسابي عالفيس بوك، او من جروب اصحاب اون لاين عالفيس بوك ( اجدع صحاب)..

او من كل شخص جالي وطلب مساعدة، وووثق فية، وبجد بحترم كل حد احترمني، وخصوصا اللي طلبو مني مساعدات، لأنهم قدروني، ويمكن اكتر ما بحلم كمان، وبجد لأني لما ساعدتهم ربنا ساعدني علي مساعدتهم وبفتخر وانا بقول بجد كده قوي لأني عايزة اوصل لكل الناس ان ساعدو بعض حقيقي لأننا محتاجين لبعض، وربنا بيساعدنا بمساعدتنا لبعض، في اشد الظروف...دي دعوة مني ليكم في عيد ميلادي، حقيقي محروم اللي ميقدمش خير وهو مش منتظرمقابل، لأن ربنا كرمة كبير قوووووووووووووي....

وشكرا خاص لمنتدي يوم جديد ولكل شخص وثق فية وادالي مساحة في المنتدي وخصوصا مستر سعيد عزت ، في منتدي يوم جديد وانه سمحلي بقسم برمج عقلك، حقيقي بشكركم جدااااااااااا

ولكل اصحابي اللي عرفتهم في المنتدي،ولكل اعضاء المنتدي، لأنهم ساهمو في نجاح القسم بتعليقاتهم وتشجيعهم ..

ولكل شخص استفدت منة بكلمة بحرف، وافادني في مستقبلي، وساعدني اطور نفسي سواء بقصد او بغير قصد منة، بجد شكرا لكل الناس حتي اللي قريتلة كتاب واستفدت منة...

ودي رسالة خاصة جداا مني لكل الناس الموجوده علي جروبي عالفيس بوك ( لكل من يعتقد انه فاشل)

سواء يعرفوني او لأ

بجد بحبكم في الله، واي حد يحتاج اي مساعدة تحت امركم ، لأني نجحت وحققت نجاحات كتير بيكم وبفضل اعجابكم بالجروب، سواء تعرفوني او لأ، فأنا تحت امركم :)

امضاء: شيماء راضي

وشكر خاص للي عملولي الصورتين ( محمد عبد النبي، واحمد ناجي ) تسلم ايدكم :)

هناك 25 تعليقًا:

  1. يسعدنى ويشرفنى انى اكون اول من يفولك كل سنة وانتى طيبة " هنا على البلوج "
    ويا رب عقبال لما يكون عندك يجى تسعمتاشر وربعمتاشر سنه يا رب
    ;)

    ردحذف
  2. kol sanaa w entyy tybaa ya gamilaa w 3o2baal 100000 yrs isA anaa batb3 3laa tool el blog w el group ana awel marra asib comment 3al blog aw el group bs 7abit a2olek Happy Birthdaay :D

    ردحذف
  3. kalamek gameel awi ya shaimaa, w isa mn naga7 lnaga7 w ya rab y72a2lek kol ele ttmaneh w ydeky 3la ad nyetek elsadka el7elwa elgameela d w ywaf2ek fe kol ele t5'tareh isa...
    w kol sanna w enty 2ela allah akrab, kol sanna w enty tayba w zay elfoll dayman....
    WISHING YOU THE BEST UPCOMING YEAR ISA, HOPPING FROM HAPPINNESS TO FULFILL YOUR EVERY STEP IN THE WAY :)))))))

    ردحذف
  4. كل سنة و انتى طيبة و جميلة و معطاءة و على حب الخير و الغير مستمرة ,و انا شخصيا باعترف انك افدتينى جدا .كفاية انى بارتاح لما باقرا كلامك و باحس ان الدنيا لسة فيها خير
    انا مريم هاشم

    ردحذف
  5. كل سنه وإنتي طيبه ياشيمووو
    هي دي صورتك
    ؟؟؟؟
    مممم
    ماشي
    حلوه
    يجي منك
    هههههههه
    والله بهزر
    ربنا يسعدك يارب ويعيد عليكي الأيام دي بخير
    وتحتفلي كل سنه بعيد ميلادك مع كل اللي بتحبيهم
    وتكوني إنتي وهما بألف خير

    يمكن أعرف مدونتك من وقت قصير بس - زي ما شباب اليومين دول بيقولوا - إنتي بجد حد لذيذ

    ( إنتي بجد حد لذيذ ؟؟؟؟ .... هو ده الكلام الجديد .. قطيعه )
    سيبك إنتي

    أقولك أنا ومش إنطباع من الصوره
    شكلك إنسانه و شخصيه محترمه ( ده إنطباع من مدونتك وكتاباتك )
    بس

    سلام بقي
    بااااااااااااي

    ردحذف
  6. نووووونا مون2 ديسمبر، 2009 9:17 ص

    كل سنه و انتي حببتي يا شيمو و عقبال سنين كتييييييييييير تعيشيها بكل حب و سعاده يا رب
    من شقك و نصك نونا
    موااااااااااه
    و اعملي حسابي ف التورتايه انتي حره

    ردحذف
  7. اولا كل سنة وانت طيبة وان شاء الله تكون السنة اللى فاتت بداية لانجااتك والسنين اللى جاية تكلمة ليها

    ثانيا انا عضوة فى جروبك
    واستفت منة جدا وحقيقى لو احتجت حاجة هطلبها منك من غير تفكير لان كلامك من قلبك
    وانتى تستهالى ان الناس يثقوا فيكى
    لان قليل اوى اللى بيبان فى كلامهم
    الاحساس اللى فى كلامك دا

    (ودي رسالة خاصة جداا مني لكل الناس الموجوده علي جروبي عالفيس بوك ( لكل من يعتقد انه فاشل)
    سواء يعرفوني او لأ
    بجد بحبكم في الله، واي حد يحتاج اي مساعدة تحت امركم ، لأني نجحت وحققت نجاحات كتير بيكم وبفضل اعجابكم بالجروب، سواء تعرفوني او لأ، فأنا تحت امركم :)

    اناة انا انا فى بيت .

    ردحذف
  8. كلـ عامـ وانتيـ بصحهـ وعافيهـ...
    ومنـ جد عقبالـ مليونـ سنهـ...

    ردحذف
  9. كل سنه وانتي طيبه يا شيموا طبعا انتي عارفه انوا يوم عيد ميلادك نفس يوم عيد ميلاد ابويا هههه ربنا يديمك لينا ويخلكي لينا يا احلى شيماء اخلى اخت واخلى صديقه عرفتها وبعتز بيكي اوي يا اجمل بنوته فالدنيا بحبك اوي كل سنه وانتي طيبه

    ردحذف
  10. كل سنه وانتى طيبه ياحلى شيمو
    كل سنه وانتى بتقدمى الخير لكل الى يعرفوكى وميعرفوكيش
    كل سنه وحبك للناس باين فى كلامك
    كل سنه يااااااارب وانتى بخير وهنا وسعاده

    ردحذف
  11. كل سنه وانتي طيبه

    ردحذف
  12. كل سنه و انتي طيبه يا شيماء, و عقبال مليون سنه في سعادة و فرحه و تقدم و احساس بالرضا عن النفس

    محمد رشدي

    ردحذف
  13. enty had energetic awy we powerful we afkaro we roho motagdeda we dah bayn fee kol raselic we calamek 3la gp rabna yezeedek we yehdeeky we tefdly motwahega daimaa we tesharkeena be afkar gededa we tahfeez mostamer we shokran gedda 3la maghoodek 3la facebook we 3oqbal 100 sana fe el kheer isa

    ردحذف
  14. كل سنه وانتى طيبه يا شيمو
    كل سنه وأنتى أكثر قدره على العطاء

    ولاء 2000(من يوم جديد)

    ردحذف
  15. كل سنة وانتى طيبة يا شيمووو وعقبال مييت سنة عطاء انا بجد حبيتك جدا ونفسي ابقى زيك نفسي افيد الناس بس مش عارفة ازاى بجد انا معجبة بشخصيتك جدا كفاية كده علشان مطولش عليكى كل سنة وانتى طيبة يا قمر اختك منى

    ردحذف
  16. كل سنة وانتي راضية عن نفسك وللجنة أقرب

    ردحذف
  17. الفهد المصري2 ديسمبر، 2009 8:48 م

    كــــل سنــــة وانتي بالــــف خيــــر 000
    كــــل سنــــة وانتي طيــــبة يا شيمــــاء...
    ومفــــاجــــاة جمــــيلة بجــــد
    اخوكـــ

    ردحذف
  18. كل سنه وانتي طيبه ياشيمو
    وربنا يقدرك علي فعل الخير دايما
    دانتي عيد ميلادك نفس عيد ميلاد الغالي يا شيمو
    يارب تحققي كل احلامك وتعيشي سعيده وقريبه من ربنا دايما

    ردحذف
  19. HAPPY BIRTHDAY TO YOU
    بجد سوري اوي اني مكنتش معاكي في اليوم ده
    بس ربنا عالم بالحال :(
    ادعيلي بالله عليكي

    وربنا ينولك كل اللي بتتمنيه وتحققي اكتر من اللي نفسك فيه
    ويجعل كل حاجة بتعمليها خطوة تقربك من ربنا وتنولك رضاه :)

    ردحذف
  20. كل سنة وانتى طيبة ياشيماء وعقبال 100 سنة فى طاعة الله ويارب تعيشى فى سعادة داااااائمة

    ردحذف
  21. كل سنه وانتى طيبه ياشيمو ويارب تحققى كل احلامك انا مبسوط للمناسبه السعيده دى
    ربنا يحفظك ويكرمك ويباركلك يارب
    عمرو كمال

    ردحذف
  22. كل سنة وانتي طيبة ياشيماء وربنا يساعدك علي فعل
    الخير دائما بجد قصة حياه رائعة
    اخوكي mustafa g

    ردحذف
  23. كل سنة وانتى طيبة ياشيماء ودئماً سباقة للخير وديماً الى الامام بالتوفيق لكى ارق تحياتى

    ردحذف
  24. شيمو
    ازيك كل سنه وانتي طيبه
    ومدونتك بخير
    وانتي بالف خير
    انا ليا تعليق صغير بس
    اعتبريه من اخوكي الصغير
    مكنش لازم تحطي صورتك يعني
    لان مش كل الناس زي ما انتي فاكره
    عموما
    ربنا يوفقك
    وكل سنه وانتي طيبه

    ردحذف
  25. كل عام و أنت إلى الله أقرب
    السلام عليكم

    ردحذف