الاثنين، 17 نوفمبر، 2008

فيرس الفرح والسعادة....


إن العواطف فيروس ينتقل بالعدوى فعندما ينقل شخص فيروس الفرح والسعادة والسرور من خلال الانفعالات والكلمات، يأثر بالتالي علي بعض المحطين بهذا الشخص بقصد او بدون قصد منة....!!!!

ايوة فعلا، وتحس كده ان فيرس وانتشر في الجو، بخلاف بقا اذا كان مقصود او غير مقصود..

الطبيعي ان الواحد بيفرح لحد قريب منة او يعرفة كويس وبينهم وده وعشرة عمر....

زي ما حصل معايا وقت جواز صحبتي الانتيم اللي معايا من سنين، كانت فرحة ملهاش حد وكأنة فرحتي انا جوازي انا بالظبط، وزي ما حصل مع محمد زميلي في الجامعة اللي يعتبر برضة زميلي الانتيم ، يوم خطوبتة كانت فرحتي كبيرة قوي برغم من اني مكنتش اعرفة غير فترة مش كبيرة قوي كانت شهور يعني لسة بس مكنتش لحقت اتعرفت علية قوي لكن كنت اتعرفت علي جوانب كتير في شخصيتة احترمتها وقربت تفكيرنا من بعض، كان لية معزة خاصة وقت خطوبتة فرحت جدااا وانتقل الفرح ده من الشخص ده ليا وكاني انا اللي بتخطب او انا اللي بتجوز..جايز ده فعلا مش بيحصل معايا لكل الناس، لكن مش يمنع اني بفرح للناس من كل قلبي، بس منكرش ان فرحتي ليهم مش بتاثر قوي علية يعني مش بتفرق كيتر معايا او اني احسها وكأنة فرحتي انا فعلا ده مش بيحصل طول الوقت ولا مع اي شخص، لكن بتمنا الخير للناس كلها.. بس الاغرب من الغريب انك تفرح لحد كل اللي بينك وبينة مجرد عشرة وقت ونت وحوار ونقاش وتبادل افكار واراء ليس الا، مش غريب قوي، لكن الاغرب هو انك تحس فرحتو هي فرحتك وتحس وكأنك انت اللي حصلك نفس موقف الفرح ده..انا طبعا مش بقول علي انو شئ وحش ولكن غريب، يمكن لاني مكنتش متوقعة او منتظرة ان ده يحصل وافرح لحد عمري ما قابلتة ولا شوفتة لكن كان بينا بس مجرد عشرة ايام وصداقة محترمة..اللي بجد محيرني هو ان فرحة انتقل لينا كلنا كل اللي يعرفة الفرح انتقل لية وحتي مشاء الله يوم خطوبتة دي كانت يوم مبارك علي كل اللي يعرفو( بخلاف ان هو اصلا معروف انو بركة هههههههه) لكن بجد مشاء الله دي حاجة من عند ربنا اكيد.بس بجد حسة بعلامة استفهام كبيرة، ازاي الواحد كده بيتعدي من الفرح لاقرب الناس لية غريبة قوي؟؟من كتر التفكير تخيلت ان ده زي فيرس انقلوانزة، ممكن يجيلك برد لمجرد حاجتينيا اما انت مخدتش احطياتتك الامنية علشان تحافظ علي صحتك من البرد او الفيرس ده، وده عن طريق انك تاخد مثلا دش وتخرج في الجو فتاخد الفيرس او انك بتعمل عادت تجيبلك الفيرس زي انك في عز السقعة ومشغل مروحة او تكيف ( طبعا ده مش منطقي لكن بتحصل)..او انك تتعدي من حد مصاب بنفس الفيرس، ويقال ان لو انتقلت فيرس الانفلوانز من الشخص المصاب يخف وانت اللي تشيل الفيرس لوحدك، وطبعا انتقال العدوي لية اشكال كتير ومتعددة..

وتلاقي طول الوقت الدكاترة والمتخصصين يقولك الوقاية خير من العلاج، وده بينتطبق علي فيرس االانفلوانزا..
لكن بالنسبة لانفلوانزا الفرح دي بقا بيبقا بطريقة عجيبة وبدون اي تحفظات بتلاقي نفسك اتعديت من الشخص المصاب بالحالة دي، والعجيب انك بتصاب باردتك الداخلية وليس مجبرو علي انتقال الفيرس منو ليك.
وكمان الفيرس هنا متجدد بمعني انو ينتقل من عند الشخص المصاب للشخص الغير مصاب وليس السليم( لان الحزن مش هو الصح) ومع ذلك مش بينتهي من عند صاحب الفيرس يعني في انتقالة صحة للجميع وليس مرض،زي فيرس انفلوانزا بالظبط ولكن بعكس بعض الطرق ولكن النتيجة واحده هي العدوي..

طبعا انا مش محتاجة اقول انا بتكلم علي مين للي أكيد اغلب اللي هيدخل المدونة عارفينو..
لكن اللي لسة ميعرفوش ان ابتكلم علي محمد رشدي و أميرة...لانهم اصبحو اسم واحد طبعا وليس منفصلين..والشخص ده اسمو في عالم المدونات الحالم ( او حصان بري، اوالرومانسي الاخير)..
حبيت اول مدونة ليا تكون بجد بحالتي اللي بقالها كام يوم مسيطرة علية، وتخيلت ان مجرد يوم وهيعدي او حالة وهتمر.
لكن بجد اللي لفت انتباهي او خلاني اكتب التدوينة دي ان الحالة الحمد لله مستمرة ومسيطرة علية ومبسوطة بيها بس كنت حبه افكر فيها بشكل منطقي اكتر علشان احاول استدعي الحالة دي تاني وقت ما احتاجة، لكن طبعا مش طول الوقت اقدر اعمل كده، بس ده اللي قدرت اخرجة من جوايا حاليا..
وبجد ربنا يكرم كل الناس بالفرح وينشر فيرس الفرح والسعادة...

ما أجمل لحظات الفرح وما أقصرها، ففيها ينعدم إحساسنا بالوقت لروعتها....

هناك 9 تعليقات:

  1. اسلوبك جميل جدا

    بالمناسبة انا اسمي مصطفى فتحي مكتوب عندك على الجمب مش محمد فتحي
    :)

    ردحذف
  2. ميرسي لذوقك يا جميل...

    وبجد بجد سوري اتلخبط بس بين اسمك واسم ابن عمي..
    بس عموما علم وسينفذ هنغير الاسم..

    وبجد نورتني وشرفتني بمرورك علي المدونة. لانك حد جامد قوووووووووووي..

    ربنا يوفقك ويزيدك نجاح يا مصطفي..

    ردحذف
  3. اولا

    الف مبروك عليكى فيرس الفرح .. ويارب يستمر كدا على طول وتفضلى مصابة به للابد ....

    ثانيا

    بجد انتى انسان كويسة جدا جدا .. وفعلا بجد انا بتشرف انك اختى

    ثالثا

    انا بقى نفسى افرح فيكى بقى ... بجد يا بخته.. والله العظيم امه دعياله يا جميل

    منتظر كل جديد يا باشا

    ردحذف
  4. اخجلتم تواضعنا يا فندم...
    اية يا اكتوبر ده بس اتغر بقا انا ومش تعرف تكلمني وقتها حاسب علي نفسك
    هههههههههههههههه

    ربنا يخليك يا خويا ويكرمك انت كمان ويابختها ياسيدي هي تطول راجل زيك..

    ومش تقلق باذن الله تفرح فيا، مش بعيد علي ربنا.
    هههههههههه
    نورتني يا جميل..

    ردحذف
  5. بسم الله الرحمن الرحيم
    السلام عليكم ورحمة الله وبركاته

    مش بقولك يا بنتي انك باشا
    بجد تحفة التدوينة دي بجد
    وطبعا احلى حاجة اني عارفة اطرافها
    ربنا يباركلنا كلنا يا رب ويسعد ايامنا جميعا
    وربنا يبعتلك فيرس السعادة ده دايما يا جميل

    ردحذف
  6. العجيب بقي يا شيماء انه مع انتقال فيروس الفرح ليكم احساس بالسعاده كان بيعلي و بيزيد, مع كل كومينت تهنئه جديد و مع كل رساله موبايل و مع كل مكالمه تليفون كنت بفرح اكتر و احساسي بالسعاده بيكبر

    ربنا يجعل ايامنا كلها سعاده ان شاء الله

    ردحذف
  7. نورتي يا درونا وربنا يخليكي ويبعتلك انتي كمان احلا فيروس سعادة...

    بجد يا محمد انت ابن حلال وتستاهل كل خير،
    وربنا يكرمك ويسعد ايامك يارب وتعدينا علي طول يا سيدي احان في ديك الساعة، ولا ديك الفرخة حتي
    ههههههههههههههههههههه

    عقبال فيروس الزواج بقا ده وقتها اعتقد يقعد شهرين تلاتة مش اسبوع بس...

    ربنا يوفقك يارب انت وهي...

    ردحذف
  8. شيموا يا شيموا تسدئي بجد كان يوم جميل بالفعل ربنا يبركلك يا محمد وعقبال ما نفرح بيكي ياوزتي ربنا يبسطك كمان وكمان ويدمها علينا من نعمه الحمد الله ربنا ديما بيخترلنا اجمل حاجه بالدنيا دي الحمد الله على كل حاجه وشكرا يا محمد يا اخويا على الفرحه والسعاده الي نشرتها بينا ههههه يلا استعجل بالفرح عشان تصبنا هستيريا فرح مبرووووك الف مبروك يا اخويا وشيموا حياتي انتي عبرتي عن كل الي احنا كمان كنا حسينوا تسلميلي يا امر موه ثوثو يا وزه

    ردحذف
  9. انا جايه اعرفك بنفسي الاول عشان متروحيش تسالي البت ا.ح

    انا يا ستى غرويب او ساسو المنصوره اداب انجليزى

    نونو كلمتنى عنك النهارده وحبيت اسجل اعجابي بالمدونه بجد

    هقرا بقه ولى عوده

    ردحذف