فرصة سعيدة جدااا..

الفرصة
الفرصة بنت جميلة .. راكبة عجلة ببدال
شعرها بيطير قدامها .. بيداري علينا جمالها
والعاقل لو يلحقها .. يتبدل فيه الحال
الفرصة
حلمك لو يوم يلمسها .. تديك اكتر ما بتحلم
الفرصة بتعرف ناسها .. والي بتفوته بيندم
لو واقف وسط كتير .. ممكن تختارك انت
مهما تطول المشاوير .. في آخرها حتوصل انت

أجمل فرصة قابلتها في حياتي، وأجمل انترفيو حصل في تاريخ حياتي وشغلي لحد دلوقتي، حد بجد كان حلم واتحقق...
وكل حرف كتبتة علي الفرصة هو بالظبط اللي حصلي، الفرصة بتعرف ناسها واللي بتفوتة بيندم.
الفرصة ندهت علية وجاتلي لحد عندي.
وانا عملت الفرصة بنفسي.
والحمد لله لما عملتها ندهتلي وخادتني في حضنها.

شكرا للفرصة، وشكرا لـــــــــــــ........ ( خليها في وقتها )، لما تكمل هقول الفرصة كانت مع مين، ومن مين.

يارب يجي بفايدة وتبقا اجمد فرصة وتغير مسار حياتي، ولو محصلش، هعتبرها اجمل محطة مرت عليها في حياتي..

الحمد لله

فرصة سعيدة.

لسة الأحلام كتير، بس انتو احلموا.

حوار مع : ............ بعد النجاح الذي حققه كتابه.

هناك مدرستان لكتابة المذكرات أو السيرة الذاتية. هناك مدرسة عربية في غالبها تقول إن الإنسان يجب أن يكتب هذه السيرة بعد أن يتقاعد ولا يجد شيئا يفعله فيتسلى بكتابة مذكراته.

وهناك مدرسة أخرى تقول بأن على الإنسان ألا ينتظر حتى يتقاعد وتضعف ذاكرته وينفض عنه الناس والأضواء فيعود لمحاولة استجداء هذه الأضواء والقراء من خلال كتابة هذه السيرة.

أن المدرسة الأولى أي انتظار التقاعد للكتابة تقتصر على عدد قليل من الناس، فاخترت المدرسة الثانية التي تقول إن الإنسان يجب أن يعكس تجربته مرة أو مرتين أو أكثر، يعني يعكسها أفضل كثيرا لأن ذلك يكون ربما مقدمة لمراحل عدة.

أنا أحسست بأن المرحلة الأولى من حياتي تستحق أن تسجل بطريقة مختلفة وربما تأتي إضافات أو إعادة صياغة لاحقا.

وهناك أشياء كثيرة لم أقلها في هذه المذكرات قد أقولها بعد ذلك عندما أكون أكثر جرأة، وربما يكون الظرف أحسن، لا أعرف.

للإشارة فهذه ليست سيرة ذاتية بالمعنى الضيق للسيرة أي ولدت في كذا أنا وذهبت إلى كذا وجئت إلى كذا.و لكنها تسجيل لمراحل و أحداث في حياتي تفيد غيري.

حوار متقبس مع الكاتب: المحفوظ الكرطيط.

تجارب حياتنا، تستحق تسجيلها.

حتي اذا كنا لا نقدر قيمة تسجيلها.

فقد نجد في الغد من يقدر قيمة تسجيلها.

بس خلاص

Cyanoacrylate

كفاية بقا، وربنا تعبت.

كــفـــــــايــة بــقـــــا
وربنا تعبت مبقتش قادرة استحمل.
الرحمة بقا، هو اية كلة ضغط ضغط، ارحموني شوية، كفاية بقا....
ياربي ده حتي مش قادرة اصرخ زي البنت دي، يمكن يخرج اللي جوايا...

كل يوم مشكلة اكبر من اللي قبلها، وتعب اقوي من اللي قبلة.
والله كده كتير قوي علية.

مش نفسي غير في يومين مع نفسي، مش عايزة اعمل اي حاجة ولا اشوف حد.

يومين مش طالبة غير يومين، الرحمة بقا..

اجمل تجربة مرت في حياتي

يوم من عمري
يوم غيرلي مجري تفكيري ،اد اية مبسوطة باليوم ده، احلي قرار اخدتة، بجد اني رحت الكورس ده..
اللي هو (القائد المحترف، والمعتمد دواليا من المركز الكندي).
جايز محدش هايحس بكلامي، وهيستغربة، لكن اللي كان جوة التجربة هيقدر قيمتها، كفاية ان ليها تاثير غير ملموس، لكن قوووووي جدااا، في حياتي..
من اول لحظة دخلت فيها الكورس لحد اللحظة اللي خرجت منها وانا بجد مبسوطة قوي، النتيجة حسيتها وانا داخلة القاعة..
ربنا يبارك في دكتور ابراهيم الفيقي، ويديلة علي قد عملة ونيتة، وبجد ده شخصية هدية من الله للبشرية..
بحترمة قوي، واحترمتة اكتر لما شوفتة، وشوفت قد اية كان حريص كل الحرص، علي اداء الصلاة في وقتها، اثناء المحاضرات..
ناخد بريك صلاة ونرجع، دي كان لية معني جميل قوي منة، وتاثير اقوي علينا..
قد اية اتكلم علي الله بشكل تاني غير اللي المعتاد نسمعة، شكل يخليك مقبل علي كل العبادات بحب واخلاص، اكتر من اي وقت..
قد اية بينشر فينا احساس بالامل والتفأول من غير ما ينقصة اي امل ولا تفاؤل..
قبل ما اروح الكورس، كنت بقرا لية كتير، واتفرج علية اكتر، وبسمعلة كتير، لكن انك تقابلة، الاحساس بيختلف جداااااااا، وكفاية تشوف البسمة اللي مرسومة علي وجهة، واحساس الدفء في المحاضرة ، وروح الدعابة اللي فية، ودبلوماسيتة، وذوقة في التعامل مع المشاكل اللي حصلت في اثناء المحاضرات، بينهي المشاكل بمنتهي البساطة، والهدوء..
انسان متواضع بشكل غير عادي، مفيش اي نوع من انواع التعالي، ولا الكبر بعد ما وصل لكل المراكز دي..
هفضل ادينلة بأنة كان من اول الناس اللي قدرت تحرك تفكيري، وتغيرة، من بعيد لبعيد..
يمكن لو فضلت اتكلم اكتر من كدة، يبقا مش هبطل كلام وهيبقا زيادة كمان عن حدة.. لكن فعلا الراجل ده يستاهل اكتر كمان...
لحد هنا انتهي الكلام عن الكورس اللي كان يومين فقط يوم 12-13/3/2009

*************************************************************

دلوقتي هتكلم عن اليوم اللي كان فاضل( الورك شوب) كان في محمية وادي جلة يوم 3/4/2009
قضيت أجمل لحظات في حياتي، بجد كانت تجربة جديده وممتعة فوق الوصف، برغم انها كانت متعبة جدااااا، بس فعلا استفدت من التجربة.
يمكن مكسبت في رحلة البحث عن الكنز برغم كل التعب ده والمجهود اللي بذلنا، لكن الكنز الحقيقي فعلا كان في حلاوة ومتعة التجربة.

ودي صورة لليوم مع التيم ورك كلة..