عبثاً بقول
عن الصبر اللي مش طيب خالص
يوصينى المقربين بأن أستمر كما أنا "جدعة" ، نعم أنا "جدعة" لدرجة انى أترنج وأنا أمسك كأس الزمن وأسير متعرجة على خط مستقيم فى حالة إثبات أنى لست سكرانة من الوجع ، وأنا أقول أنا "جدعة" واعمل "زغطة" ، ثم أترنح "انا جدعة" "انا جدعة"..!!
بس كل جدعنه وليها أخر ،، فين أخرة الجدعنه دي.!
الفـراغ كائن له وجود مادي، لـه أنياب حادة يقضم بها جزءاً من جسدك إذا تجاهلت وجوده في حياتك
الفراغ أثبت وجودة في حياتي بعد ما قعدت في البيت من غير شغل أكتر من 7 شهور لا شغله ولا مشغله
ومع اني كفرت بكل منطق وبكل الثوابت بقول
الدنيا لو كشرت ليا مانيش مغلوب
و مع اني بندقية من غير ذخيرة،،، لكن رافضه الأستسلام .
ولسة جوه القلب أمل
عبثاً بقول
عن الصاحب اللي عرفتة وطلع مش جدع
دي حتة كدا عالماشي بس مهمة عن اصحابي اللي عرفتهم في اخر سنتين تلاتة
في الأول قولت
"- خذوني معكم أيها الأصدقاء : كل صداقة لها خيانة هل تتحمل لو خدعناك؟"
وبعدين قولت
عربية الكبده بتكون عارف إنها وسخة بس بتحبها ،، كل واحد وعنده أصحاب زي عربية الكبده كدا
فتحيه لكل أصحابي الأوساخ اللي حبيتهم زي ما هما بعبلهم وفي الأخر خدت منهم خازوق من النوع الفاخر :D
و اصلاً
كام مرة ،، عرفت شخص و فضلت تحكيله علي الناس الزبالة الي إتكعبلت فيهم بحياتك،، و قالك بمنتهي البراءة "معلش" وفي الاخر طلع هو أزبل من كل الزبالة اللي عرفتهم ؟! :D
وفي الأخر قولت
فرّغ عياطك ع الصحاب... دم و خميرة... مش بكا
أنتوا بتمشوا واحد ورا التاني من حياتي وانا عمري ما بصيت ورا حد فيكوا عشان ببساطة جدا عارفة إن دايماً اليوم بيجي .. اليوم اللي بتحاولوا تشتروا فيه وأنا دايماً بقرر إن التمن مش مناسب.!
علي العموم
سكر القهوة الزيادة وريحه الدخان ،، كلهم اقنعونى إن الفراق محطة تانيه في العلاقة المستمرة
بُص
أسهلك تعتبر كل البشر مجانين وأنت أجن مجنون فيهم ،، بـ كده مش هتلاقي سبب يزعلك منهم ولا يزعلهم منك ،، فليس علي المجنون حرج :)
بعد كدا لما تصاحب ابقي خليك فاكر "تكمل لحد قبل الجرح بخطوة... ودي أسمها خبرة"
أو خليك مغفل
أحيانا يجب أن تكون مغفلا كبيرا، فإن التغفيل له لذته ;)
عبثاً بقول
عنك :*
في هويد الليل ولقيتك ،، معرف جيتني ولا جيتك ماعرف غير إني لاقيت روحي ونجيت من همي ونجيتك
دعنا نفرد رقعة الشطرنج. .ونضع قوانيننا الخاصة. .بحيث ينام الوزير في النهاية بين احضان الملكة، وفي حراسة الجميع... فقد انتحر المنطق already !!
من لامنى فى الحب يرمى بسهمه ويصبح محزون الفؤاد عليل
عارفة انا أكتشفت أن أهم حاجة في الراجل مش البوس ،، لأ الحنية ،، آه والله العظيم الحنيه#خلطة فوزية
تصنع غرفة من الكرتونات وتجلس مبتسمة هي إن بكت ستبتل الحوائط وتنام ، ثانية، في العراء :/
عبثاً بقول
عنك يا بلدي والثورة واللذي منه :(
أنا الذى لكى يعمل مشاويره ينبغى عليه ركوب المواصلات.. ولكى يركب المواصلات بدون أن يتخلى عن آدميته أو يصاب بإنفلونزا الخنازير.. ينبغى عليه أن يركب تاكسى.. ولكى يركب تاكسى ينبغى عليه أن يكون معاه فلوس.. ولكى يكون معاه فلوس ينبغى عليه أن يعمل. ولكى يعمل ينبغى عليه أن يعرف أن تلات تربع أصحاب الأعمال ليسوا موهوبين.. لهذا لا يرحبون بالموهوبين كثيرا.. هذا فى حالة ما إذا كنت موهوبا.. أما فى حالة ما إذا كنت عادى.. ولا تمتلك موهبة محددة وواضحة.. إذا مرحبا بك فى كل أسواق العمل يا برنس !
الأكادة إن
كل ما باصحي باشوف، وكل ما اشوف عيني تصبح وسعانه، اشوف تاني.. وأتاري الشوَفان في زماننا ... الشوَفان حزن.... الشوَفان بلوة! ،،،، وأدي حراجي الغلبان بقي زي الشياطين عارف امر الدنيا وسر الطين ... لكن حراجى ابو ضحكة ترج النجم مات مني يافاطنه .. وبقيت دلوقت حراجي تاني .... حزين
قولت لنفسى وبعدين "راح تفضل كده لأمتى ياغلبان ؟ بتدارى ايه ؟ ايه باقى تانى علشان تبقى عليه؟ وطنك متباع..! سرك متذاع..! الدنيا حويطه وانت بتاع..! " إلي الجحيم للفلسفة، ما اتعس الأنسان ما أسعد الحيوان.
أسمحيلي بـ كلمتين يا مصر يمكن هما آخر كلمتين "حد ضامن يمشي آمن أو مآمن يمشي فين.!"
عبثاً بقول
لنفسي
- كل ما عليكِ عمله هو الانتظار، اجلسي صامتة وانتظري اللحظة المناسبة، لا تحاولي أن تغيري شيئا بالقوة. اكتفي بمشاهدة توالي الأشياء، ابذلي جهدا وراقبي كل شيء، إذا فعلت ذلك فسوف تعرفين تلقائيا ما الذي يجب عليك عمله.
الخُلاصة
الحياة نسبية أكثر من اللازم و تركها هو الشيء الوحيد المُطلق
لذلك
ستظل تلهت وتلهث ولكن لو تتريث لجاءت لك الاشياء تلهث
شعار المرحلة
التبلد متعه او نعمه
ملحوظة : (في كلام كتير مقتبس بس حقوق الكلمات محفوظة لأصحابها بقي من غير ذكر اسماء - كسلانة اكبت عشان كتير :)
ليست هناك تعليقات:
إرسال تعليق