الاثنين، 23 أغسطس، 2010

جتيك وكسة....بشتمها عادي يعني

جتك ستين الف وكسة
بجد يعني..أكدب عليكي يعني...ميرضنيش...اصلك هبلة برضة وممكن تقلبي علي غبية عادي جداااا
وعلي فكرة الناس خبيتها السبت والحد وانتي خبتك ياختي ما وردت علي حد....ياموكوسة بجد والله
دلوقتي بس عايزة اقول للدنيا باللي فيها جتكم القرف مليوتا البلد....عالم زبالة وواطية...معندهاش دم كمان..اه والله
اصلهم لو عندهم اصلا دم كانوا لموا نفسهم...لكن مش بيلموا نفسهم اصلا....وبعدين مكل واحد حر...بس حرية نضيفة...مش لازم تبقا حرية زبالة ومش نضيفة...اممممممم او مش لازم تبقا حرية وسخة..اه والله.
اصل انا خلاص مرارتي اتفقعت لدرجة ان لساني مش قادرة اتحكم في من كتر غيظي من كل حاجة..ايوة والله
كل حاجة بقت ولا حاجة..ولا بقا في حاجة اسمها قيم، ولا اخلاق، ولا مبادئ....ولا اي هجص من الحوارات الحمضانة دي...اصلا اصلا كلة كلام وخلاص....وعلي فكرة بقا...اللي فيكم مابيغلطش يروح يعاقب مريم (اللي في فلم ويجا :))
مش بقولكم جتكم ستين نيلة علي قرفقهم يا زبالة المجتمع....اه والله
وعلي فكرة بقا انا كمان طظ فيا، وفيكم وفي كل حاجة قبليكم وقبلينا :(
انا قرفت منكم ومن كل حاجة شبهكم اصلا
كل مرة اقول خلاص..تقرفوني وتزهقوني وتخلوني اقول جتكم نيلة عليكم غوروا في ستين الف داهية .... بس انا اية اللي بيصبرني عليكم اوقات...؟
مش يمكن زي زيكم اوقات بتنيل بستين نيلة واحتاجكم...بس مهما احتاجتكم احتياجي انضف من احتياجكم يا حيوانات..وعلي رأي واحدة صحبتي الحيوانات انضف وبتفهم عنهم :((
انا خلاص الكيل عندي طفح وجاب اخرة قووووووووووي .... يعني اي حد هيضايقني هطلع غيظي علية...لأن كلة بيكدب علي كلة.
وكلة بيضحك علي كلة..وكمان بيضحكوا علي نفسهم...اللي يقدر ينتش من التاني حاجة بينتشها ويجري زي الكلب اللي خطف عضماية بطريقة معفنة من محل لحمة رامي العضم اصلا في زبالة المحل...يا معفننين..اه والله معفنين
نفسي اقابل حد نضيف مش لازم كلة زبالة كده...خلاص هي البلد خلصت من النضاف..ومبقاش ظاهر غير الزبالة...ينهار منيل بستين نيلة مش كده يا لهوي انا اتخنقت بجد...الله يخربيت اللي بيستهبل ويستعبط ويعمل ناصح وفاهم وصالح وحج..وهو ولا حاجة من جوة...هوا مجرد هوا فراغ ....بيضحك علي نفسة وعلي اللي حوالية...يا غبي..
انا جوايا سواد الدنيا كلة دلوقتي....وحسة اني برايا زي الطفلة البريئة الهادية الكتكوتة.....لكن جوايا عايزة حد ينكشني علشان اطلع عينة واطلع غيظي علية لو اقدر كمان....وده لوحدة اول التناقض والنفاق جوايا شئ وبرايا شئ...والناي كلها بقت كده...متناقضة
مجتمع معفن بجد...كلة تناقض وكدب وزيف..وحاجات معقدة كده..كلاكيع ملهاش قيمة ولا لازمة ولا اعتبار..وشكلي قريب هفرقع كل صبر السنين في المجتمع اللي كبتني لما خلاص هطق في وشة :(
ربنا يستر من اللي هيقابلني في سكتي وانا كده...بجد انا صبري نفد علي اخر نقطة في....خلصت كل الصبر ... ومش عايزة اطبط تاني علي نفسي واقول معلش نكمل ونتمسك بالقيم والأخلاق والأحلام والأهداف والأمل...كل ده دلوقتي بقا ولا حاجة ... وطظ في بجد بقا

انا مبسوطة قوي بالبوست ده اول مرة اتكلم من قلبي ...واي حد هيفتح بقة ويقول مش عاجبة مليش دعوة انا حرة وانت حر قول اللي يريحك وانا كمان هقول اللي يريحني....لأن كلنا بنكدب علي بعض لو قلت غير ان جواك نفس الغل ده للدنيا باللي فيها..بس بتكبتة وبتكدب علي نفسك
يا كداااااااااااب

يالهوي انا عايزة اصوت دلوقتي في وش الدنيا واقولها منك لله تعبتني بجد وهديتي حيلي معاكي بصبري عليكي :((

زهقت وربنا زهقت..وتعبت وملت من الكبت بجد

هناك تعليقان (2):

  1. يا خبر !!
    بجد !!
    إيه يا بنتي كل دة ؟؟
    هو انا ساعات بابقى عاوزة اقول كلام زي دة و أسوأ كمان .. و بصراحة اللي الواحد شايفه من الناس بيخليه يبقى جايب آخره و زيادة !!
    أصل بصي ..
    مرة إيمان هاشم ( اللي كان اسمها عانس حقود ) قالت ان الحل الوحيد في هذا المجتمع انه يتنسف عن بكرة أبيه بقى ..و يطلع ناس تانية كدة على نضافة !!
    و دة حل مستحيل .. !!
    مش هاقولك الصبر لأننا صابرين أصلاً !!
    بس هاقولك ربنا يقويكي ..!!
    و يقويني .. و يقوينا كلنا

    ردحذف
  2. مش كل الناس بردوا شيمو والله

    كلنا بييجى علينا وقت وبنقول كدة واكتر وبنكره كل اللى حوالينا لان اختياراتنا لناس كتير بتبقى غلط وبنكتشف كدة مرة واحدة فا كلة بيتركب على بعضة وبنزهق

    انما لو فكرنا من غير عصبيه وبحبة هدوء هنلاقى فى حياتنا ناس تستحق تخلينا نقول الصبر طيب

    متزعليش نفسك وكل سنة وانتى طيبة :)

    ردحذف