السبت، 24 يوليو 2010

خلطة مش منطقية....

خلطة مش منطقية....

تعرف اية عن المنطق يا مرسي......؟؟
" أنك تقع متحطش منطق "

بالظبط فعلا هي دي المنطقية...طب ولو اخدنا المعني ده وجبنا عكسها تبقا اية....؟؟؟
انك تقع وتحط منطق...طب هو أنت لما تقع هيبقا لسة فيك نفس تحط منطق...؟؟؟
طب بفرض طلعت فيك نفس وحطيت منطق....هتنطق تقول اية...؟؟
بس اية ده أنا نسيت...هو أنت لما تقع وتحط منطق...هتحطة فين..؟؟
طب انت اصلا اية اللي يخليك من البداية تقع وتحط منطق...او متحطوش...؟؟
وقعت بمزاجك..؟؟؟
وقعت غصب عنك...؟؟
هي دي القضية بمزاجك ولا غصب عنك....؟؟
طب بفرض وقعت بمزاجك...هل محتاج حد يطبط عليك ويحسسك انك ياعيني عليك وقعت محتطت منطق.؟؟
طب لو وقعت غصب عنك..ومحطتش منطق برضة وغصب عنك.....اومال أنت دورك اية...؟؟

ياااااااااااااااه ده المنطق ده طلع موضوع كبيرة...وانا مكنتش واخدة بالي منة....بس لازم اخد بالي من دلوقتي...علشان اعرف لما اقع هحط منطق ولا بدون منطق..؟؟
أنطق ولا افضل بدون ما انطق:((
ولا أطق
لأ طب ولية...هي الدنيا دي متعرفش الحلول الوسطية...ولا هو يا ابيض يا اسود......؟؟
طب انا جربت اقع قبل كده بمزاجي...بس لأنة بمزاجي قدرت احط منطق...وبمنتهي الصعوبة والسهولة اللي في الدنيا....
طب المرة دي اية بقا..؟؟
أنا وقعت علي حين غفلة مني :((
ومحطتش منطق برضة علي حين غفلة مني....
بس قادرة اقاوم وأكمل....كل ما سقط سهوا :((

بس في حاجة بتتسرب من بين ايديا...مش منطقية خالص..مشكلتها انها مش منطقية..حلاوتها في عدم منطقيتها....
لــــكــــــــــن...

مش كل اللي بدون منطق حلو للأخر..وكل شئ ولية أخر....
وزي اي شئ أخر :((
و
مش كل اللي بدون منطق وحش للأخر...وكل اخر ولية شئ...
زي اخر اي شئ :))
في حاجات في حياتنا مش محتاجة تتمنطق علشان نحس بيها....ممكن نحس بيها قبل ما نمنطقها....المهم نلحقها قبل ما تفوت...لأن اللي بيفوت مبيرجعش تاني...وهي اصلا لوحدها هتفوت بس لية ومين اللي هيفوتها....معرفش بس الأكيد أن الواحد محتاج يلحقها قبل ما تفوووووووووووت :((

خلطة مش منطقية.....بس وجودها احيانا بيبقا مهم....برغم انة وجود مش منطقي...:)

زي احتياجك للخلطة المش منطقية بتاعت دولسيكا عسلية (الايس كريم) في عز الحر :))
شيماء راضي

هناك 9 تعليقات:

  1. لخبطينى يا أوختى

    وخليتينى افكر دلوقت هحط منطق لو وقعت ولا محطش ؟!!

    طب افرض الوقعه كانت جامدة ومعرفتش وقتها احط منطق ولا حتى اتحرك ؟!! هل ممكن حد يحطه مكانى؟؟

    غلبتينى

    بس خلطتك عجبتنى ..

    وكنتى غايبة فين دة كلة؟؟ .. متغيبيش تانى :)

    ردحذف
  2. ههههههههههههههههههههههه
    كل جمله اقراها مرتين علشان افهم
    عايزة اقولك ان اساسا تحديد اذا كان الشئ منطقى او غير منطقى اصلا حاجه نسبيه من شخص لاخر
    انا عن نفسى قبل ما اقع كنت غير منطقيه
    ووقعتى هى اللى خلتنى اعرف ان فى شئ اسمه منطق
    لو وقعنا غصبن عنا فى اول مره مينفعش المره التانيه نقع الا بمزاجنا
    لازم نكون منطقيين وكون اننا نحط منطق او لا يبقى باردتنا
    فهمتى حاجه؟

    ردحذف
  3. ايه اللخبطه دي طب انا لو وقعت افضل من غير خطط وله ايه انا كل ما اجي افهم جمله اقع بالتانيا يلا العتب عالفهم ههههههه وحشتيني يا بت

    ردحذف
  4. نورتي يا زهرة
    وحقيقي أنا اللي متلخبطة اكتر منك وصدقيني لو كنت رسيت علي بر مكنتش غلبتكم معايا :((

    ردحذف
  5. start over
    والله انا كمان كنت بكتب الجملة علي مرتين تلاتة علشان اقدر افسر ولو جزء بسيط من اللخبطة اللي جوايا :)

    ردحذف
  6. سوسو حبيبة قلبي
    نورتي يا حبي
    انتي اساسي علي طول متلخبطة فعادي اية الجديد:)))
    وحشاني والله

    ردحذف
  7. أزال المؤلف هذا التعليق.

    ردحذف
  8. والله يا سوسو مشوفتش كومنتك ده غير حالا
    عموما ملحوقة تتعوض هبقا اكلمك عالميل وافهم منك لأني مفهمتش اصلا حاجة :))

    ردحذف
  9. جميل جدا هذا الاسلوب فى الكتابة واتمنى تنورى مدونتى
    http://osamaabeed.blogspot.com/

    ردحذف