الأحد، 5 أبريل 2009

اجمل تجربة مرت في حياتي



يوم من عمري
يوم غيرلي مجري تفكيري ،اد اية مبسوطة باليوم ده، احلي قرار اخدتة، بجد اني رحت الكورس ده..
اللي هو (القائد المحترف، والمعتمد دواليا من المركز الكندي).
جايز محدش هايحس بكلامي، وهيستغربة، لكن اللي كان جوة التجربة هيقدر قيمتها، كفاية ان ليها تاثير غير ملموس، لكن قوووووي جدااا، في حياتي..
من اول لحظة دخلت فيها الكورس لحد اللحظة اللي خرجت منها وانا بجد مبسوطة قوي، النتيجة حسيتها وانا داخلة القاعة..
ربنا يبارك في دكتور ابراهيم الفيقي، ويديلة علي قد عملة ونيتة، وبجد ده شخصية هدية من الله للبشرية..
بحترمة قوي، واحترمتة اكتر لما شوفتة، وشوفت قد اية كان حريص كل الحرص، علي اداء الصلاة في وقتها، اثناء المحاضرات..
ناخد بريك صلاة ونرجع، دي كان لية معني جميل قوي منة، وتاثير اقوي علينا..
قد اية اتكلم علي الله بشكل تاني غير اللي المعتاد ن
سمعة، شكل يخليك مقبل علي كل العبادات بحب واخلاص، اكتر من اي وقت..
قد اية بينشر فينا احساس بالامل والتفأول من غير ما ينقصة اي امل ولا تفاؤل..
قبل ما اروح الكورس، كنت بقرا لية كتير، واتفرج علية اكتر، وبسمعلة كتير، لكن انك تقابلة، الاحساس بيختلف جداااااااا، وكفاية تشوف البسمة اللي مرسومة علي وجهة، واحساس الدفء في المحاضرة ، وروح الدعابة اللي فية، ودبلوماسيتة، وذوقة في التعامل مع المشاكل اللي حصلت في اثناء المحاضرات، بينهي المشاكل بمنتهي البساطة، والهدوء..
انسان متواضع بشكل غير عادي، مفيش اي نوع من انواع التعالي، ولا الكبر بعد ما وصل لكل المراكز دي..
هفضل ادينلة بأنة كان من اول الناس اللي قدرت تحرك تفكيري، وتغيرة، من بعيد لبعيد..
يمكن لو فضلت اتكلم اكتر من كدة، يبقا مش هبطل كلام وهيبقا زيادة كمان عن حدة.. لكن فعلا الراجل ده يستاهل اكتر كمان...
لحد هنا انتهي الكلام عن الكورس اللي كان يومين فق
ط
يوم 12-13/3/2009

*************************************************************

دلوقتي هتكلم عن اليوم اللي كان فاضل( الورك شوب) كان في محمية وادي جلة يوم 3/4/2009
قضيت أجمل لحظات في حياتي، بجد كانت تجربة جديده وممتعة فوق الوصف، برغم انها كانت متعبة جدااااا، بس فعلا استفدت من التجربة.
يمكن مكسبت في رحلة البحث عن الكنز برغم كل التعب ده والمجهود اللي بذلنا، لكن الكنز الحقيقي فعلا كان في حلاوة ومتعة التجربة.

ودي صورة لليوم مع التيم ورك كلة..


هناك 5 تعليقات:

  1. معاكي في كل كلمة قلتيها على د/ابراهيم بجد حد رائع
    ربنا يكرمه يارب ويجعل كل اللي بيعمله في ميزان حسناته

    كنت متوقعة تفصيل أكتر منك عن الكورس واليوم العملي..

    إلا قوليلي هو إيه اللي كان في إيدك في الصورة ده؟؟ D:R

    ردحذف
  2. والله يا قمر كنت تبعانة قوي لدرجة اني مش قدرت افسر اكتر من كده..
    واهم حاجة ان الحاجة الحلوة سعات من حلاوتها مش بتعرفي تعبري عنها بتفصيل اكتر من اللي قولتة..

    اللي كان في أيدي الكاب بتاعي مكنتش لسة لبستة..
    لو دخلتي الفيس بوك هتشوفي الصور كلها.
    والله كان ناقصك اليوم يا جميل، بس قدر الله بقا.

    ردحذف
  3. انا كمان معاكي بكل كلمه التيها على د ابراهيم المهم يا بت انك استمتعي ويارب تكون كل ايامك تجارب حلوه كدى وحشتينيييييييييييييييييييييي هيا فين الصور انا اادر اشوفها يعني استني اما اخد لمحه ههه

    ردحذف
  4. peace

    وميت فل وعشرة كمان .. انطلقى يا معلمة .. انا م مهتم اوى زيك كدا بس بصراحة الرجل يحترم جدا جدا بشوفله حاجات بجد حلوة ومؤثرة

    ردحذف
  5. على فكره يا شيماء اناحاسس بيكى اوى لانى بجد نفسى اعمل كده اووى اووى
    وربنا يوفقك يارب وتفضلى مستمره .. ومن تقدم لتقدم ان شاء الله
    على فكره انا اول مره اشوف البلوج بتاعتك وان شاء الله مش اخر مره وملاحظ ان باين عليكى تجاره زى حالاتى
    ادعيلى بس ربنا يكرم وابدا خطوات الكورسات ...ويارب بالتوفيق لنا جميعا
    احمد

    ردحذف