الاثنين، 26 يناير، 2009

مين عايز يطركع صوابعينة..

مين عايز يطركع صوابعينة...؟؟؟!!!
لالالالالالالالالالالا متفهمونيش غلط،..
ولا صح...
مش دور بهية الشغالة( اللي تبع نوسة) خالص، لسة دورها لسة مش بداء....
انما دي حالتي الاسبوع ده، مليون حاجة مطلوبة مني في أقل من 5 ايام،،،،،،
شغل وامتحان، واهم حاجة بقا تسليم مشروع الكورس بعد امتحاني بيوم، مش عارفة اذاكر للأمتحان، ولا اخلص المشروع...
هههههههههههههههههههه
والنبي مش عارفة اعيط ولا اضحك،ولا اصوت، اية اللخبطة دي بس...!!!!؟؟؟؟
الدنيا كانت ماشية حلو ، اية بس اللي قلبها....؟؟؟
الحمد لله
وربنا يستر واقدر اطركع صوابعينها ههههههههههههههههه، بس تبقا تقابلني لو لاقيتني فاضية اصلا..
ال اطركع صوابعينها ال
محدش يقولي انتي اللي جبتي ده كلة لنفسك...
انا بس اللي اقولها، انا اللي جبت ده كلة لنفسي...
هههههههههههههه

الخميس، 22 يناير، 2009

ذكريات محذوفة،كلاكيت تاني مرة...!!!!

لا حولة ولا قوة إلا بالله العلي العظيم...
اللهم اجرني في مصيبتي واخلفلي خير منها..
=======================
استغفر الله العظيم يارب..
******************
مختصر الكلام انا ممكن يجرالي حاجة دلوقتي، مرتين علي التوالي في شهر واحد، كل تعب السنة اللي فاتت، وكل مجهود وتفكير وافكار واجتهاد السنة اللي فاتت راح..
كل انجازاتي علي النت راحت...
كل اللي كنت مستمتعة بية وبحسة شغلي الشاغل، ضاااااااااااااااااااااااااااااااااااع...
هو الحمد لله علي كل حال، لكن بجد غصب عني حسة اني ممكن يجرالي حاجة..
جايز اي حد تاني يحس ان ده مش مستاهل كل الزعل ده، ولا هي اصلا حاجة تستاهل اني اهتم بية، لكن اللي يجرب ويحس اللي حسيتة ، ويستمتع زي، هيفهم معني اللي حصلي واللي وصلتلة دلوقتي..
-فاكرين ذكريات محذوفة اللي كنت كتبتها من فترة ( اللي كانت بخصوص القسم بتاعي اللي تعبت فية وارح مع وقوع المنتدي، والمدونة بتاعتي اللي كانت فيها احلا ذكرياتي وراحت برضة مع وقوع المنتدي)، المهم ان نفس الشئ حصل تاني دلوقتي في خلال شهر واحد ..
-المرة دي مش قسم هو اللي ضاع في منتدي، ولا مدونتي اللي راحت في المنتدي، انما الجروب بتاعي علي الفيس بوك اللي بقالي سنة وكام شهر تعبت فية، وكان لية هدف مهم ، وكان اهم انجاز لية في حياتي، والاهم من ده كلة كان اكبر نقطة تحول في حياتي..
-مكنتش باخد منة عائد مادي علشان كده زعلت علية لما حسابي اتوقف مرتين وراح، انما العائد المعنوي كان اكبر من العائد المادي بكتير، اثر وغير وحول مجري حياتي...
-بجد مش عارفة اعمل اية..!!؟؟؟؟
-حسة اني السبب، لية وازاي مش عارفة برضة، طب غلطت في اية المرة دي وحتي تعبي كلة راح للمرة التانية في وقت قصير..
- حلاوة اول حاجة بتعملها في حياتك ، بتبقا احلا كتير من اي حاجة بعديها، يعني حتي المنتدي وقسمي فية مكنش زعلي علية زي الجروب، وخصوصا ان الجروب كان المادة اللي اقدر اتكل عليها وارجع انزلها تاني في المنتدي، يعني الاصل...
- واول غلطاتك فية، واو نجحاتك فية، واول تعليق حسيتة مشجع لفكرتك، اول احساس بأن بقا ليك هدف ، وبتعمل حاجة مفيدة، وناس ببتأثر باللي انت بتقولة، بجد كان احساس تاني..
-كل ذكراتي مع الجروب راحت، كل فرحتي بي راحت، كل احساسي بأهميتة راحت...
-بجد والله اكتر شئ مضايقني، اني كنت عاملة الجروب ده زي صدقة جارية بحيث ان النية كانت تنوير عقول الغير، ومساعدتهم علي اللي ملاقيتش حد يساعدني فية، من غير ما يطلبو حتي...
-اكتر حاجة ضيقتني برضة، ان من حوالي 4 شهور الجروب بقا مشاء الله 3400 يعني ده انجاز ان في 3400 شخص بيقرا كلامي، ومهتم بية، وفي ناس حياتها بتتغير علي حس الكلام ده، جايز مش انا اللي كاتبة، انما كفاية اني بجمع معلومات وحاجات مفيدة في مكان واحد، انا شخصيا تعبت علشان اجمعهم واتعلم منها، فقولت اسهل للناس اللي يساعدهم علي النجاح في حياتهم..
-حسة اني السبب ، مش عارفة في وقت كبير كنت بقعد فية علي النت، واهملت شوية حاجات، خايفة يكون ده عقاب من ربنا لية علي تقصيري بسبب النت بشكل عام.....؟؟؟!!!
-انهاردة لما دخلت لأفيت حسابي التاني اللي كنت شغالة بية بديل عن الحساب الاولاني اللي اتوقف، اتوقف هو كمان، بجد اتصدمت ، اعصابي بقت تبعانة قوي بسبب الحكاية دي..
-اكتر شئ خوفني بعد الموقف ده، ان برضة اتعب في حياتي واجري ورا اهدافي واحاول اجتهد، وفي الاخر تيجي حاجة تقولي كل اللي تعبتي فية راح واتوقف ومبقاش لية اي قيمة.......!!!!!!!!!!
-مش عارفة أعمل اية انا اعصابي بجد مدمرة، وحسة ان كل اللي بيحصل في الشهر ده مكنش وقتة خالص، انا حصلي حاجات كتير قوي الشهر ده، وامتحاناتي باقي عليها اسبوع، اعصابي خلاص مبقتش مستحملة حاجة خالص، وكل ضربة وضربة اقوي من اللي قبلها كل ده في خلال الشهر ده، ومش بتكلم علي اللي حصل بس علي النت، انما في حياتي بشكل عام، اكيد في حاجة غلط، انا اكيد في حاجة عملتها ربنا بيعاقبتي عليها...!!!
استغفر الله العظيم ياربي....
هي دي بالظبط حالتي دلوقتي...
لكن الحمد لله قدر الله وما شاء فعل..

الأربعاء، 21 يناير، 2009

فشل أكتمال النص حالة...!!!

فشل أكتمال النص حالة...!!!

كـــــــــــان وهــــــم وعشت فية...

اه كان وهم وعشت فيه صدقته وعيشنى فيه..

من الاول كنت حاسة كنت شاكة انه كدا ، لكن..!!!!

الاثنين، 19 يناير، 2009

بدائل القرار المصيري...

أكيد فاكرين البوست اللي كان من كام يوم بخصوص القرار المصيري..
دلوقتي لازم ادرس جوانب الموضوع كلها علشان ده فعلا قرار مصيري.
خلينا الاول نأخد في عين الاعتبار نصيحة الخبرا اللي كانت في بوست قرار مصيري اللي الكلام فيها علي البورصة بشكل عام..

وينصح الخبرا ايضا: أن سهمك لن يعارض ويصطدم بتيار موجة السوق ، فأجعل أحدى عينيك على مؤشرالسوق والاخرى على سهمك ، ولا تترك السهم أن يغريك بالامل الخادع.فأن لاحظت أن هناك تراجع للسوق وسهمك يغريك بأمل الصعود فالحذر الحذر.ولا تحتفظ بأى سهم يكسر دعمه أو ان يخسرك أكثر من نسبة 7% مهما كان الامر .
فالسهم اذا تراجع وأعطى اشارة خروج تخلص منه ، وبامكانك استرداه متى ما أعطى اشارة الدخول وهنا تكون قد خلصت نفسك من خساره محققه .

وأنا قررت أني مش هحتفظ بسهم بيخسر أكثر من 7% مهم كان الامر صعب..
لذلك دلوقتي هحط البدائل وهفكر تاني واختار البديل المناسب في الوقت المناسب..
الاول نعرف القرار تاني.
القرار: هو اختيار بين مجموعة بدائل لحل مشكلة ما أو أزمة وعلشان كده احنا في حياتنا العملية تقريبا بنتخذ يومياً مجموعة من القرارات في منها بنكون مركزين وبندرسه، والباقي بيخرج عشوائي من غير دراسة .
وعلي رأي ايناس خلينا نحط خطة للقرار النهائي في القرار المصيري..
خطوات حل المشكلة، من وجهة نظر ايناس..
اصلاالخطوات الصح هي خمس خطوات:
1- الشعور بالمشكلة2 - فرض فروض لحل المشكلة3 - اختبار الفروض 4- تنفيذ افضل فرض 5- تقويم النتائج ومحاولة الحل بطرق اخرى
وعلية، فلازم نجمع معلومات عن كل البدائل، علشان يبقا قرار مدروس..
اول بديل
المربع.
*****
في الهندسة الرياضية، المربع هو مضلع منتظم يتكون من المساحة المحصورة بين أربع أضلاع متساوية في الطول ومتعامدة تشكل أربع زوايا قائمة كما يمكن تشكيل المربع عن طريق جمع مثلثين قائمي الزاوية ومتساويا الساقين عند الوتر.
وللمربع أهمية كبيرة في عموم المفاهيم الهندسية وعليه يبنى تعريف المساحة لمختلف الوحدات المربعة.

لذلك مش محتاج اي تعريفات اكتر من كده لانة زي ما اتقال، هو لية أهمية كبيرة في عموم المفاهيم الهندسية...
لذلك هو اختيار بدون مقارن علي حد قول العلماء..
ولكن لازم اختار برغم قلة كفاءة البدائل الاخري..!!!!
نيجي للبديل الثاني.
الدائرة
****
تعريف الدائرة : الدائرة هي مجموعة جميع نقط المستوى التى تبعد بعدا ثابتا عن نقطة ثابتة فى المستوى تسمي مركز الدائرة
وتر الدائرة : هو القطعة المستقيمة التى نهايتها نقطتان تنتميان الي الدائرة .
ده بقا تحس ان هتفضل كتير تلف في دواير لحد في يوم هيسمعك ولا هتسمع حد.
لكن بالرغم من ده إلا ان اغلب الناس لما توصل للمرحلة اللي انا وصلتلة ولازم تختار مش بتتعب نفسها ولا بتحاول تفاضل، وبدون تردد بتختار الدائرة من باب السهولة.. ولسة مش عافين هل فعلا ده اصح قرار وقتها، ولا هو اسهل قرار فقط...؟؟!!!
نيجي للبديل القبل الاخير..

المثلث
*****
تعريف المثلث :المثلث منحنى بسيط مغلق ناتج من اتحاد ثلاث قطع مستقيمة
تعريف أخر.

المثلث هو أحد الاشكال الاساسية في الهندسة.و هو شكل ثنائي الأبعاد مكون من ثلاثة رؤوس تصل بينها ثلاثة اضلاع، التي هي عبارة عن قطع مستقيمة.
وفي نظرية بتقول..
منصفات زوايا المثلث تتلاقى في نقطة واحدة
نتيجة :
نقطة تلاقي منصفات زوايا المثلث تقع على أبعاد متساوية من أضلاعه الثلاثة ..
في نظرية تانية بتقول أن.

القطع المتوسطة للمثلث تتلاقى في نقطة واحدة
تقسم كل منها بنسبة 2 : 1 من جهة الرأس

وبالرغم من ان التعريف بتاع العلماء هنا يحير شوية لانة اقرب للمربع لما قالو،المثلث هو أحد الاشكال الاساسية في الهندسة..
لكن اكيد هو مش بنفس أهمية المربع، بس خلينا نقول ان هو اقرب لأهتمام اغلب البشر لأن اهمية تكمن في أن يمكن تشكيل المربع عن طريق جمع مثلثين قائمي الزاوية ومتساويا الساقين عند الوتر
طب واللي مش عندة غير مثلث واحد يعمل اية يختار دائرة ولا مثلث...........!!!!!!!!
البدائل كتير ، وكل بديل بيتفرع منة اكتر من شكل مش مجرد شكل واحد، يعني المربع فية من مستطيل ، والمثلث في منة قائم الزاوية ومنه المنفرج الزاوية، وخماسي وسداسي طبعا ده غير الثلاثي.
لكن خليني في رؤس البدائل ، ونختار من بين الخطوط العريضة وبعدين نختار في اي فرع هنتفرع معها.
ودة كلام ناس خبيرة في دراسة القرار ، واختيار بين البدائل ، والخروج بقرار مدروس..
لا تندم على ما فات بل اسعى لما هو أت ، فلا تعجل في قرار غير مدروس ولا تتأنى في قرار يفوت عليك الفرص السانحه ، بل كن مستعدا لما قد يحدث من عوامل ايجابيه أو سلبيه غير متوقعه لها أثرها الفعال على توجه السوق ، فعلينا الاخذ بالاسباب والله سبحانه وتعالى هو الذى بيده الخير . فسوق المال كالبحر العميق يغرق فيه من لم يتقن سباحة العلم والمعرفه والخبره ، ويبعد عن نفسه عوامل الطمع ومؤثرات الخوف .
في النهاية ،تعددة الاسباب والموت واحد لذلك مش هقدر اختار غير الصح للصح، مش علشان حد علشاني وعلشان اللي جي...
ويبقا الوقت كافي لأختيار افضل بديل ، ولكن أفضل بديل لحياتي ، وليس حيات غيري..
واللي ينفع لزيد لا يصلح لعبيد...

وفي الاول والاخر اللي ربنا عايزة هيكون، حتي لو انا اختر ونفذت البديل اللي شايفاه مناسب..

الله اعلم..

بس خلينا ناخد بقول..

وأن ليس للأنسان إلا ما سعي ، وأن سعي سوف يرئ ، ثم يجزا به.........

وادينا بنسعي وربنا يسهل اللي فية الخير..

للحديث بقية..

عادي و أقل م العادي..!!!


عـــادي


نفترق عادي عادي.

ننجرح عادي عادي.

نتنسي عادي عادي.

الألم عادي و الندم عادي و العذاب عادي.

أي حاجة كل حاجة مش غريبة غريبة !!! عـادي ...

حتى اللي كنت ديبه في هواه و بقول في بعدو ما فيش حياه خدت الحكاية وقتها و كل شيء راح وانتهى ،و بقيت اشوفو زي أي حد عادي

و أقل من العادي !!!

ما بقتش أخاف م الذكريات ده اللي جاي ينسي اللي فات.

بعدو الحبايب قربو ما بقاش في شيء استغربو و بعيش في قلبي حزن , فرح , جرح عادي.

بقى كل شيء عادي الألم عادي و الندم عادي و العذاب عادي.


أي حاجة كل حاجة مش غريبة غريبة !!! عـادي ...

الخميس، 15 يناير، 2009

نعتذر ....لقد تأجل موعد الوصول...!!!

من اصعب اللحظات لحظات الإنتظار.
لحظات الانتظااااااار ما هي الا حلم او واقع مجهول خاصة اذا كان هذا المجهول مرتبط بيد الغيرررر.
لحظات الانتظار
كم هي قاسية تلك اللحظات ..تمر بطيئة جدا ،يقتلك الوقت ..يتغلغل في أعماقك
تعيشه ثانية بثانيه ودقيقة بدقيقه ،كم هي
بطيئة تمر لحظاته
كم وكم
تناظر تلك العقارب ...عقارب ساعتك
مرة عاتب لبطئها....ومرة راجيا لها بالإسراع
بين هذا وذاك تذهب بك أفكارك بعيدا
وتخطف نظرة سريعة لتلك العقارب مرة أخرى
هل حان موعدنا..؟؟
ومرة أخرى أعيش مع موعدي وساعتي تلك اللحظات
عله يكون قد حان موعد اللقاء....

فجأة
ومن بعيد صوت يلجلج أركان المطار
صوت أثار شجوني والمني حتى أثار

نعتذر ....لقد تأجل موعد الوصول.
فهل مثلي يقبل ذاك الاعتذار..!!
وأعيش ثانية تلك اللحظات القاسية في انتظار
فالا ربما قريبا ....قد يكون موعدا للقاء..
او لا يعود، الله اعلم..
هو ده اللي حسيتة انهاردة، ياربي بجد اصعب لحظات لحظات الانتظار..وخصوصا بعد الكبسة الكبيرة دي....!!

الثلاثاء، 13 يناير، 2009

قرار مصيري...!!!

عيد حساباتك..
-------------
القرار: هو اختيار بين مجموعة بدائل لحل مشكلة ما أو أزمة وعلشان كده احنا في حياتنا العملية تقريبا بنتخذ يومياً مجموعة من القرارات في منها بنكون مركزين وبندرسه، والباقي بيخرج عشوائي من غير دراسة .
وفي 3 خطوات مهمين في وقت اتخاذ اي قرار، هي..
1- تحديد المشكلة 2- وضع بدائل للحل 3- الاختيارمن بين البدائل اللي حطيتها.
بس تخيل بقا بعد كل ده يحصل ندم علي اختيار احد البدائل بعد تنفيذها،عادي بتحصل..!!!!
في ظاهرة اسمها : ندم المستثمروهي ظاهره معروفه في جميع اسواق العالم .
فأذا اشترى الشخص سهم بسعر ما ونزل سعر السهم ندم.وأن باع بسعر ما وأرتفع السهم حالا ندم.ففي كلتا الحالتين ندمان. والخبراء في مجال البورصة دائما ما يحذرو أن على كل متداول في سوق الاسهم انو ميفكرش في أى سهم باعه ويرضى باللي كتبه الله له وأن اشترى سهم ما يندمش على قراره.لكن ياخذ منه درس، وتجربة، يستفيد منهما في حسن اختياره، ويكسب خبرة في المرة اللي بعدها.
لو كان الانسان على حق في كل قرارته ثلاثة أرباع الوقت لحكم العالم كله , لكن دي سنة الحياة نخطئ ليستفيد منا الاخرين ونستفيد احنا كمان من أخطأئهم علشان يكون في توازن في الفرص المتاحه .
فصدق القائل : لا تندم على ما فات بل اسعى لما هو أت ، فلا تعجل في قرار غير مدروس ولا تتأنى في قرار يفوت عليك الفرص السانحه ، بل كن مستعدا لما قد يحدث من عوامل ايجابيه أو سلبيه غير متوقعه لها أثرها الفعال على توجه السوق ، فعلينا الاخذ بالاسباب والله سبحانه وتعالى هو الذى بيده الخير . فسوق المال كالبحر العميق يغرق فيه من لم يتقن سباحة العلم والمعرفه والخبره ، ويبعد عن نفسه عوامل الطمع ومؤثرات الخوف .
وينصح الخبرا ايضا: أن سهمك لن يعارض ويصطدم بتيار موجة السوق ، فأجعل أحدى عينيك على مؤشرالسوق والاخرى على سهمك ، ولا تترك السهم أن يغريك بالامل الخادع.فأن لاحظت أن هناك تراجع للسوق وسهمك يغريك بأمل الصعود فالحذر الحذر.ولا تحتفظ بأى سهم يكسر دعمه أو ان يخسرك أكثر من نسبة 7% مهما كان الامر .
فالسهم اذا تراجع وأعطى اشارة خروج تخلص منه ، وبامكانك استرداه متى ما أعطى اشارة الدخول وهنا تكون قد خلصت نفسك من خساره محققه .
ده بالظبط اللي وصلتلة دلوقتي.....
ملحوظة رفنوعة: كل حرف ينطبق علي كل امور الحياة، وبجد المشكلة في ان الواحد يندم بعد مرور سنين، بس مكنش يعرف ان القرار كان غلط....
والله اعلم اذا كان صح او لا..
***********************************************
ملحوظة بقا أهم: هي ان دي من مدونتي السابقة، والأيام دي لازم اخد قرار مصيري، لذلك حسيت اني محتاجة التدوينة دي دلوقتي..
والاول كان اسمها ندم المستثمر..
لكن دلوقتي المعني اتغير وبقا...
قرار مصيري، لأني لسة ما اخدتوش القرار علشان اندم علية..
***********************************************
ودلوقتي وأنا بدرس جوانب الموضوع علشان اخد القرار الصح في الوقت الصح، عجبني الرد ده في مدونتي السابقة، وهاحطة لأني هاخدة في الأعتبار..
"مش المفروض أساسا منحطش مبدأ المضاربة قدام عيونا يعني إحنا نختار السهم الرابح في قيمته يعني حتى لو مضطرناش نبيعه فمجرد وجوده معانا ده في حد ذاته مكسب لينا"
شكرا ليكي يا نوسة علي ردك ده،لانه لفتت نظري لكذا حاجة..

كراكيب و لكن...!!!


من المعروف ان الاشياء اذا تراكمت على بعضها تبقا كراكيب......

بمعني اخر، لو الشخص بغرفته لم ينظمها هاتنقلب غرفته كلها فوضى...


وهو ده بالتحديد اللي في دماغي دلوقتي...

دماغي مليانة كراكيب الايام دي، محتاجة وقفة علشان ارتب الكراكيب دي، وارمي منها اللي مش محتاجة، واحط اللي عايزة...

بجد فعلا فوضي، ملهاش حل..

أحداث غريبة كلها جاية في وقت واحد، و مكانتش في الحسبان اساسا...!!!

كوكتيل احداث، من سعيدة لحزينة، وربنا يستر..

عموما كل وقت ولية اذان ، وربنا يعديها علي خير..
لكن الغريب ان بالرغم من كل ده، الشكل العام في الاخر يبان جميل ، زي صورة كراكيب الفواكة والخضروات دي..!!!




الاثنين، 12 يناير، 2009

بحبك يا أمي ، ربنا يقومك بالسلامة..

بحبك يا أمي
أنا بحمد ربنا ادانى أم حنينة جواها طيبة وفيها حب ميتنهيش..
ياامى اطلبى عيشتيلى عمرك تتعبى وانا عمرى كله جمب حبك مايسويش...
دعواتكم لماما هتعمل عملية انهاردة بليل.
ربنا يستر..

الجمعة، 9 يناير، 2009

أحتمال أكتمال النص حالة...

السكه مش طويله فاضل على الحلم خطوه..
وهاعدى فى يوم وليله لكن خايف يا بكرة...
جايز على قد خوفنا فرح الايام يشوفنا وينور كل ليله..
يا بكره تعالى بكره وارمينى فى كل فكره ، تخلق من الخوف وسيله...
السكه مش طويله فاضل على الحلم خطوه..
وهاعدى فى يوم وليله لكن خايف يا بكره..
أحتمال أكتمال النص حالة..
ربنا يقدم اللي فية الخير...
يااااااااااااااارب استر..
ودي بداية السنة الجديدة بأحتمال أكتمال النص حالة....!!!!
دعواتكم بقا ،ربنا يكرمني للي فية الخير..